صراع الحب
انت في الصفحة 1 من 3 صفحات
رواية صراع الحب سيليا وشريف الفصل الثالث 3
جت رساله على الفون من شريف بتقول أنا كلمت ابوكى و عهد الله لو نقصتى من الدهب حاجة لهكون مرتكب جناية فيكى مش هيبقى ظهرك بس هيبقى جسمك كله !
بصيت على الرسالة وأنا مبرأة بعدم تصديق
اتأكد من الاسم و ارجع اقرأ الرسالة
ومع كل مرة كان نفسى بيضيق
و الستارة نزلت و الدنيا اسودت فى وشى
بعد شوية
فوقت لقيت نفسى على رجل ماما
كانت بټعيط و هى بتنده إسمى
فتحت عيونى و قولت بتعب ماما .. حصل إيه
شهقت براحه و هى بتقول بصوت عالى فرحاات .. فرحات البت فاقت يا فرحات ..
ضيقت عيونى وأنا مش فاكرة إلى حصل ..
بس كان فيه شعور فى صدرى مضايقنى
نغزة و ۏجع عمرى ما حسيته قبل كده بابا جه من الصاله وهو بيتصبب عرق
ماما بعدت عنى بصعوبة علشان اقدر اتكلم اخدت نفس و قولت كويسة .. هو هو إيه إلى حصل
بصو لبعض بإستغراب و رجعو بصولى
ماما مسكت إيدى و هى بتقول مش فاكرة .. كنت واقفة فى المطبخ وأنت ندهتى عليا و صوتك مخضوض جريت عليكى لقيتك واقعة على الأرض و مش بتنطقى ..
أول ما سمعت إسمه قلبى اتقبض
و لقيت نفسى برتعش و دموعى بتنزل وأنا بفتكر الرسالة و الكلام الى فيها .. بحمد ربنا أنه مقالهاش فى وشى علشان كان ممكن اروح فيها من نبرته
مش سهل الواحد يتقبل الكلام القاسى بنفس صوت الشخص إلى ياما سمعه كلام حنين وياما وعده بالأمان و الحب !
تبت فى وأنا بقول م مش قادرة اتخيل يا ماما .. شريف يقولى أنا كده يسيبنى بالسهولة دى .. أنا غلطت معاه فى إيه أنا مخترتش جسمى مخترتش أن الحاډثة تحصلى .. مخترتش إن قلبى يحبه
ماما ملست على شعرى و قالت بمواساه أنا علمتك كده علمتك منقولش فى مصيبتنا غير إيه .. الحمدلله الحمدلله وبس وبعدين بسبب الحاډثة عرفتى
