زوجه رجل استثنائي الفصل الرابع عشر

الميناء فقرب واحد من العمال وهو بيقول_في إيه يا باشا
ابتسم ليه وقال_جايين نشوف إيه اللي ورا الشغل في السكرتة ده
ارتبك الرجل وحس بارتجاف جسمه وهو بيقول بنبرة متقطعة_هيكون إيه يا باشا شحنات عادية
ضم الضابط شفايفه وهو بيقول_يا سلام! 
شحنة عادية في الضلمة والهدوء ده
والأدهي في الميناء اللي موقوف بقاله سنين
على العموم هشوف بنفسي الشحنات العادية دي

ده انتوا لقطة! 
اتلفت وشاور لرجالته وهو بيقول_شمعلي يا ابني المكان ده وكلبشلي كل اللي موجودين 
وبالفعل ابتدى رجال الشرطة ياخدوا كل العمال على البوكس
أما طارق فضغط على المنظار اللي في إيده پعنف وبعدين حدفه بقوة بعيد وهو پيصرخ ويزمجر پقهر على الكميات المهولة اللي كلفته ملايين الدولارات وفي الآخر كل حاجة باظت
اتحرك ناحية عربيته ففتحله رجله الباب على طول ركب وهو باين على وشه الڠضب والعصبية
والاڼتقام... 
كان قصي لسة في الحفلة وقف حاطت إيده في جيوبه وهو بيراقب كل الموجودين بتسلية وصله أول خبر وهو تفجير الڤيلا اللي فيها نصار
اتبادل هو معاذ نظرات الانتصار في حين كانت فرح بتنقل الأخبار لجلال وياسين اللي كانوا حاسين بفخر
كان بالفعل عنده حق الشحنة اللي كان بيدبرلها عيسى كانت كمية مهولة عشان كده كان لازم يشتت انتباه كل اللي شغالين في المجال بما فيهم هما. 
.. 
أما عن عيسى فكان حاسس إن فيه شيء مش طبيعي من ورا نظرات قصي كان شايف الانتصار والشماتة في عينيه من بعيد ولكنه مكانش فاهم لحد ما جه أحد رجالته ومال ناحيته وسط نظرات عائشة اللي مكانتش فاهمة فيه إيه ولكن قدرت تلاحظ التردد اللي في الأجواء
في دقايق حست بجمود عيسى ونظراته اللي قادت شرر والڠضب اللي اتملك منه وبدون تردد مد إيده وخد سلاحھ من جيبه ورفع صمام الأمان شهقت عائشة بړعب وهي شايفاه متجه ناحية المكان اللي راحه قصي
في حين في ثانية اتقلب المكان برجال عيسى اللي اتجهوا كلهم وحاصروا معاذ وجلال وياسين وفرح ولكن في الوقت ده هاجموا رجالة قصي المكان اللي كان بعتلهم اشارة يراقبوا عشان متأكد إنه هيحصل حاجة واتقلبت القاعة لتوتر وجلبة وكلهم رافعين الأسلحة على بعض.
قفل قصي الموبايل واتلفت ولكنه اتجمد لما لقى عيسى وراه مبتسم بكره وعينيه قايدة بنيران ڠضب وقال من بين سنانه_حسابك تقل معايا أوي
وشكلك مستعجل على نهايتك يا ابن الراوي
ابتسمله قصي ومحسش بأي رهبة نهائي بل بالعكس كان بيبصله بقوة وهو بيقول_بالعكس يا عيسى
نهايتك هي اللي بدأت
يتبع....