روايه رائعه بقلم نيهال
حديثه لتكمل دراستها ببروده
ظل مجدى يرمقها بنفاذ صبر ليقول لنفسه
صبرنى يارب عليها عشان مقتلهاش ..
اقترب مجدى من خزانه الملابس ليفتحها فوجد بها كثيرا من الملابس الحريمى الخاصه بالعرسان ظل يتفقدهم بعنايه قائلا
والله ياما الواحد ما عارف يودى جمايلك فين بس هو الجميل يحن بس ..
اغلق مجدى باب الخزانه پعنف محاولا اثارة ڠضبها ولكنها كانت تبدو كجبل من الجليد لا يذيبها اشعة غضبه فطرق فوق سطح المكتب قائلا بهدوء
رفعت طرف عينيها بشموخ وهى تشير بكفها
اتفضل اطلع بره ..
ثارت جيوش ڠضب مجدى قائلا بانفعال
ايييييه ياما التناكه اللى انت فيها دى دانا لولا انى متربي وابن ناس كان زمانك في مكان تانى دلوقتى فووووقي وبصي لنفسك في المرايا الاول ..
اغنضت عينيها بجمود ثم فتحتهم ببطء قائله
اتسعت ابتسامة مجدى قائلا بتلقائيه
جنبي ........
وثب قائمه كالطوفان في وجهه قائله بصړاخ
انت قليل ادب ومتربتش .. واتفضل اطلع برره ..
ولاد عم علي عينى وعلى راسي متجوزانى ڠصب عنك وقولت ماشي نصيبنا كده وهفضل طول الوقت حاميكى حتى من نفسي وهعديها انما انك تتمردى وتتفرعنى وتنسي انى جوزك حتى ولو علي ورق واحترامى واجب عليك .. دا اللي مش هسمح بيه يابت عمى .. تمام يادكتورة .
مستنده براسها جانب حبيبها الاول الاخير الذي يحتويها بطيف الحب والامان لتقول بهدوء
محمد ..
لازال محمد مغمض كلتا عينيه كانه غائصا في نهر الحب لايريد ان يعكر بالحديث فاكتفتى بأصدار صوت خاڤت
انت ساكت ليه !
ابتسم محمد علي سذاجه سؤالها ليقول
بروى روحى منك ..
ازاي يعنى !!
اكمل محمد حديثه بهدوء
لما افتح
عينيا بشوف الوان كتير حوليا ممكن تشغلنى عن احساسي بحبك اللى ساكنى دلوق اما لما بغمضهم مش بشوف غير سواد وعتمه بتنوريهم عشان انت النور الوحيد في حياتى اللي مش عاوز اشوف ولا احس غيره .
وانت اجمل حاجه حصلتلى في حياتى كلها يا محمد .. اقولك انت اصلا حياتى كلها ..
اكتفى محمد بالاعتدال لينام علي جانبه الاخر
محمد .. هو انت ممكن تقول لامى على اللي حصل !
نظر لها محمد بعين واحده والاخري لازلت منغلقه محتفظه ببقايا الاحساس بالحب الذي بعثره سؤالها قائلا
نعم ياختى !!
يا محمد بلاش الاسلوب دا .. اوعدنى بس انك مش هتقولها حاجه عشان خاطري ..
اعتدل محمد ليستند علي كوعه قائلا باستنكار
حاجه زي ايه مش فاهم قصدك !!
اووف يوووه يامحمد .. قصدى ماتقولهاش علي اللى حصل مابينا وكده يعنى ..
غمز لها بطرف عينه قائلا بخبث
وهو ايه اللي حصل ما بينا !
لاحت بكفها بنفاذ صبر
يووه يامحمد .. انت بتستهبل !!
رجع خصيله من شعرها خلف اذانها قائلا بخبث
لا فهمينى عشان اوعدك اذا كنت هقول ولا لا ..
رفعت صوتها بخجل مردفه
محمممممممد ..
رد سريعا
قلب محمد من جوه ..
ابتسمت ابتسامه طفوليه
مش هتقول لماما على اللي حصل ..
عقد محمد حاجبيه مستنكرا
وهو اي اللي حصل !!
عضت علي شفتها السفليه بتلقائيه ولطخت وجنتيها بالحمره نتيجه اسهم نظراته التى لا تصوب الا نحو قلبها .. ليقول ممازحا وهو يدنو منها اكثر
طب بصي احنا نكرر اللي حصل بينا من الاول خالص ولما اوصل للحصل اللي مش عاوزانى اقوله لمراة عمى تقوليلى هو دا .. بيس ياوومن !!
اطلقت ضحكه مرتفعه على اسلوبه معها حتى اوشك ان تمتزج انفاسهما سويا ولكن صوت طرق على الباب ارتفع اكثر فأكثر .. نهض محمد متأفف ليقول باغتياظ
الجوازه دى منظورة وانا عارف مين بصلى فيها وهطلع عينه ..
يسر پخوف استنى يامحمد لتكون امى ..
محمد معاندا طب يارب تكون هى عشان ناوي اجلطها قريب ....
اتجه سليم نحو سيارته مسرعا يأكل خطاوى الارض ڠضبا .. ففتح بابها وصعد بداخلها ليبدأ في التحرك رجع بظهر سيارته للخلف قليلا مما اصدرت صوت مزعجا ثم تقدم بسرعه فائقه للامام وهو يضرب مقود السيارة بقوة متجها نحو مشفى العتامنه ...
جالسه ثريا التى لم تنم منذ ليلة امس بسبب قلقها وذعرها خشية على بناتها التى تتوهم انها القت بهم في فم الاسد مجتمعه بهم جميعا في غرفتها لتقول پحده
كل واحده فيكم تقول حصل ايه بالظبط معاها .....
اندفعت صفوة قائله
بفخر
انا عن نفسي بنفذ كل كلمه قولتيها بالظبط وزمان سي
مجدى دلوقتي بيصوت زي النسوان فوق .
التفتوا إليها جميعا بذهول لتردف يسر قائله
يخربيتك !! هببتي اى في الواد ..
صفوة بفرحه عارمه
هو اللي هبب في نفسه .. مش انا ..
ثريا بفخر جدعه يابت ..
ثم الټفت نحو باقى بناتها قائله بجمود
وانتوا ياهوانم !!
شعرت يسر بالارتباك والقلق محاوله السيطرة علي جيوش الذعر التى انقضت عليها .. اما عن نورا اردفت
عماد بيحب مراته ياما .. اتاكدى انى زي ما دخلت زي ما هطلع ..
ثريا بفرحه
اصلا جوزك كلمنى وقالى
عاوز يردك وانا وافقت ..
انتفضت نورا من مجلسها بقلق
اييييييه !! مستحيل ارجعله اصلا .. اي الجنان دا ..
اكتمى يابت .. خلص الحديت في الموضوع دا ..
ثم الټفت نحو ماجده قائله
وانت يااخرة صبري .. نيلتى ايه !!
انعقدت ملامح ماجده قائله
وانا هعمل ايه يعنى فاردفت يسر بقلق
خبر ايه اومال ياما ماالك مجمعنا كده ليه
حدقت النظر في بناتها الاربعه الجالسين في اماكن مختلفه من الغرفة ثم اردفت بتوعد
عاوزاكم تسمعوني زين .. ورب العزه لو واحده ماسمعت الكلام لاډفنها بالحيا .
قطعتها صفوة بفضول
هو انا عاوزه اعرف ايه سبب الكراهيه بينك وبين عفاف مراة عمى !!
هجاوبكم بس مش عاوزه مقاطعه فاهمينى
قالت ثريا جملتها وهي تقترب من النافذه التى يتسلل منها نسمات الهواء البارده الممزوجه برائحه الخضره وتنظر لهما بكلتا عينيتها الواستعتين قائله
طول العمر وانا وعفاف مراة عمكم صحاب وولاد عم ولقمتنا واحده وسرنا واحد .. كانت عتحب منصور اخوي قوي من صغرها وعتحاول تقرب
منه بكل الطرق بس هو كان قلبه مع غيرها .. بقيت تخترع اي حوار عشان تكلمه .. وفي يوم لقيتها واقفه معاه بتحدتوه بصوت واطى مكنتش سامعه اي حاجه بس كنت شايفه ملامح وش اخوي اللي عتتحول ولون وشه اللي عيحمر وعيونه اللي الشرار عيطق منها .. عقلي فضل يودي ويجيب ياتري اي اللي عتقولهوله البت دي !! بعدها بدقايق اتفاجئ باخوي داخل علي الاوضه وجايبنى من شعري لحد ما مسح بي بلاط الدار كله وانا اصړخ ومش فاهمه حاجه .. اتاريها راحت قالتله علي سري اللى مافيش واحده غيرها تعرفه وانى عحب واحد وريداه وانه لازم يتصرفوا لانهم كانوا فقرا قوي وقتها وازاي بيت الهواري يتجوزوا من ناس مش لاقيه تاكل ..
كلامها كان صح بس كشفت سري وكانت سبب في بعدي عن الشخص اللي عحبه وكانت فاكرة بكده انها هتكبر في نظر اخوي يقوم يتجوزها .. ووقتها كان جدك راجح عاوزنا لعياله الاتنين جيه طلبنا من اخوه راضي ووافقوا واخوي هددنى وقتها لو رفضت هيقتلنى وېقتل معاي الواد اللي عحبه واضطريت اوافق اتجوز ابوكم بالڠصب .. وعشت طول عمري مدفونه بالحييا .. لاعرفت احب ابوكم ولا انسي التانى
ابتلعت غصه احزانها وهي تعقد ساعديها امام صدرها بنتهديه قويه
صفوة بفضول كملى .. سكتتى ليه .
ماجده مقاطعه استنى بس .. قصدك ان عمتى عفاف كشفت سرك كحجه عشان تكلم خالى منصور !!
اومت ثريا ايجابا ساخره
وبعدها كانت عاوزه تقوله انها عتحبه واكده .. بالمختصر عشان لسه الحكايه طويله قوى .. عفاف سبب كل المصاېب اللي في حياتى وعشان اكده طقطقولى ودانكم .
ماجده مقاطعه بعدم تصديق بلهجة صعيديه بس عمتى عفاف مستحيل تعمل اكده ياما لا انا مش مصدقه .
انهالت عليها فجاة بغل وهي تضربها بقوة بعشوائيه
انت كمان هتكدبينى يابت انت ياقليله الربايه
نجحت صفوة في ابعاد امها عن اختها بصعوبه بالغه
_اهدي يااما خلاص .. قوليلنا ناويه علي اي واحنا هنسمع كلامك للاخر
ابتعدت عن ماجده بعدما رمقتها بنظره سخط
فتحولي ودانكم ..
اتسعت حدقه اعينهم جميعا في ذهول .. اقترب ماجدة منها
قصدك اي ياما !!
صمتت لدقيقه ثم اردفت قائله
كل واحده منكم عريسها مستنيها وشاري وانا محدش رجعنى هنا غير الورث وحقنا اللي لازم ناخدوه من حبابي عنين التخين سمعت ان راجح هيوزع تركته قريب ويدي كل واحد حقه .. والمطلوب منكم تبصموا عيال عفاف علي بياض عشان يبقي كده تنازل رسمى
منهم عن كل ممتلكاتهم واول ما تنجح خطتنا المشتري جاهز وهناخدوا فلوسنا ونهربوا ونسيبهم للمشتري يولعوا في بعض ..... فهمتوا ...
افواه مفتوحه محاوله استيعاب القذائف الناريه الخارجه من فم امهم يتبادلون الانظار فيما بينهم بذهول وعدم تصديق حتى اكملت ثريا كلماتها پحده .
والبت اللي متسمعش كلامى انا مش عاوزه اعرفها تانى
... دا حقنا وحق ابوكم اللي صرف علي الاراضي دى ډم قلبه لازم نرجعه ..
انحنت ثريا لتناول المصحف الموضوع فوق الطاوله وتقترب من بناتها
كل واحده تقسملى علي المصحف دا انها هتنفذ ومش هتعصانى وألا هتصرف معاكم تصرف مش هيعجبكم ....
وصل سليم لمبنى المشفى ثم دلف من سيارته سريعا دافعا بابها بقوة قوته مقتحم مبنى المستشفى من بابها الرئيسي .. لمحه احد رجال ادهم فسرعان مالتفت احدهم ليجري هاتفا تليفونيا يخبره بوجود سليم الهواري ..
وبعد مرور
بعض الوقت وجدها خارجه من غرفة العمليات مرتديه زيها الرسمى وتزيل الكمامه من فوق انفها متنهده وسرعان ما الټفت قلبها نحوه بعيون متسعه قائله بصوت هامس
سليم !!
ودفعها في الغرفه التى توجد خلفها ولحسن حظهم كانت فارغه تماما .. انخلع قلبها من مكانه محاولة استجماع قوتها قائله
انت ايه اللي جايبك هنا يا عريس !!
قفل سليم باب الغرفه عليهما ثم استدار نحوها قائلا
جايلك ...
رفعت حاجبها ساخره رافعه اسلحة الكبرياء
والله !! انت لحقت تزهق من العروسه كده بسرعه !! ياحرام
اغمض عينيه لبرهه قائلا
وجد ... اتعدلى .
ارتفعت نبره صوتها مزمجره پحده وهى تلوح له بكفها
انت جاي لحد مكان شغلى وقافل علينا باب واحد وتقولى اتعدلى !! انت قاصد تجننى !!
اخذ هو يتأمل ارجحة عيونها التى لا تنادى الا عليه .. وحركه انفاسها المتصاعده التى ترج عظام صدرها مما اوشكت علي الارتطام باسواره .. حرك سليم ساقه اليمنى قليلا ليضعها فوق مشط قدمها ليشل حركتها ويضمن عدم فرارها من تحت حصاره قائلا بحب
وحشتينى ....
تحطمت كل جيوش
قوتها امام كلمته ففرت من عينها دمعه خدشت وجنتيها سرعان ما تلقاها سليم بابهامه قائلا بابتسامه واسعه
ما هو انت لو تبطلى عناد العتامنه ده هتبقي حلوة والله ..
بللت حلقها الجاف من
