انا السئ

من فضلك 
بصلها و متكلمش ورجع بص لرسيل إطلعي على أوضتك حالا وبعدين هيبقا ليا كلام تاني معاكي
عبير هدت تيم وطمنته وطلبت منه يطلع لرسيل لأنها محتاجاه عشان يواسيها و هي بس مش عارفة تطلب ده مننا تيم سمع كلامها و طلعلها
وهي بعد ما لمت الكركبة الي رسيل عملتها راحت قعدت قدام مؤمن على الكنبة
عبير بهدوء خير الدكتور قلكم إيه النهاردة
مؤمن أتنهد بتعب بيقول إن إحتمال إنها تفوق إحتمال ضئيل جدا و كل يوم بيعدي بيفقدو الأمل في حالتها و الدكتور كان بيعرض عليا نتبرع بأعضاءها أحسن
عبير كانت حاطه إيدها على بقها من الصدمة رسيل سمعت الكلام ده
مؤمن هز راسه كانت طلعت من أوضة والدتها و سمعت كل كلام الدكتور 
عبير عشان كده إتصرفت بالطريقة دي
مؤمن بإبتسامة إنتي بتبرريلها الي هي عملته
بالليل عبير نيمت الولد الصغير و طلعت تطمن على تيم و رسيل خبطت على أوضة رسيل ودخلت لقتها قاعدة و حاضنة صورة وهي بټعيط قعدت جنبها و مسحت على شعرها إدعيلها يا حبيبتي إن شاءلله ربنا 
يقومها بالسلامة 
ومسكت وشها عشان تمسح دموعها وربنا قال أدعوني أستجب لكم إيه رأيك نقوم نتوضى و نصلي ركعتين قيام ليل و ندعي فيهم كتير إن ربنا يعجل شفاها
رسيل مسحت دموعها وهي بتهز راسها حاضر
عبير و رسيل إتوضو وصلو و قعدت عبير تحكيلها عن معجزات الدعاء في ساعة القيام و كمان فضل الصدقات في دفع الإبتلاءات و رسيل إعتذرت لها عن معاملتها السابقة مؤمن كان واقف عند الباب بيسمعلهم وهو بيبتسم
بعدها بأيام مؤمن أخدهم على الميتم بعد زن من رسيل إنها عايزة تتبرع للولاد هناك عشان يدعو لوالدتها إنها تقوم لهم
بالسلامة
رسيل و تيم كانو بيلعبو مع أبوهم و الولاد بالألعاب الي جابوها و عبير قاعدة بعيد شوية و بتنيم تميم الصغير
عبير.
رفعت راسها لمصدر الصوت الي هي عرفاه كويس و كان وحشها أوي 
عبير ياسر إزيك عامل ايه 
وبصت للولد الي شايله في إيده هو ده إبنك مشاء الله ربنا يبارك لك فيه
ياسر بلهفة كنتي فين الفترة دي كلها أنا دورت عليكي كتير 
عبير كان لازم أبعد عشان تعيش حياتك بهدوء مع مراتك و إبنك
ياسر جيهان ماټت يا عبير في اليوم إلي خلفت فيه
عبير پصدمة إيه
لا حول ولا قوة إلا بالله 
إزاي ده حصل على حسب علمي صحتها كانت كويسة في فترة حملها
ياسر حكالها يوم ما إتصلت بيه وقالتله يلحقها طلع للبيت بسرعة و لقاها پتنزف وداها المستشفى و الدكاترة قالوله إنهم قدرو ينقذو البيبي بس الأم حلاتها صعبة ولما فاقت طلبت تشوفه و إعترفتله بكل حاجة عملتها من إتهاماتها ل عبير لحد ما خلت وحدة ترمي الكيس عند الباب عشان تقول إنها بتعملها أعمال
عبير يا عيني عليك يا بني إتيتمت و إنت صغير هو إسمه إيه 
ياسر عبير 
بصتله بإستفهام
ياسر بنتي إسمها عبير
عبير إبتسمت وعينيها دمعت 
قاطع اللحضة دي رسيل لما جريت عليها بفرحة عبيير ماما فاقت يا عبير ربنا إستجاب
عبير ألف حمد وشكر ليك يارب شفتي مش قولتلك 
عن إذنك يا ياسر أنا لازم أمشي يلا يا رسيل
عبير شالت تميم من الكرسي بتاعه و راحت تركب العربية رسيل كانت واقفة بتبص ل ياسر الي بيتابع عبير بلهفة واضحة في عنيه و بعدين طلعت ورقة و قلم كتبت حاجة و إديتها لياسر
رسيل لما تحب تعرف مكانها بعد كده الورقة فيها رقم بابا لما تحب تزورنا باااي
ياسر بص للورقة و إبتسم
عبير والباقي وصلو المستشفى