سارقه القلوب
وحاولت اقنع بابا انه يجي معايا عشان اخطب شهد لكن كان رافض...وبعد شهر ونص أخيرا وافق واتخطبنا أنا وشهد وكنت بتابع اخبار ايمان من بعيد واټصدمت لما لقيت انها مكملة حياتها وبدأت كمان تكون عضوة في الجمعيات الخيرية ودار المسنين والايتام...الظروف بتاعتها
ممنعتهاش تقدم خير بالعكس كانت مصممة تكمل حياتها بالشكل اللي بتحبه...اللي عرفته عنها ساب اثر جوايا...
بعد أربع شهور
كانت ايمان قاعدة في دار الأيتام وسط الأطفال وهي بتعزف ليهم...كانوا قاعدين منسجمين لكن فجأة قاموا وصرخوا وقالوا
عمو مؤيد جه...
وقفت ايمان عزف وهي بتحس انهم مشوا من جمبها ضحكت بسعادة وقررت تكمل عزف...فجأة وقفت لما حست بحد واقف جمبها...كان مؤيد مذهول وقال
...
الشهور اللي مرت دي خلتني اعرف حقيقة واحدة بس آني عمري ما حبيت شهد...أنا كنت عارف ده
من الأول وحاولت اكدب نفسي لكن خلاص فاض بيا عشان كده قررت اعترفلها...
ايه يا حبيبي...بقالنا نص ساعة هنا وانا متكلمتش خير عايز ايه!
شهد أنا عايزة افسخ الخطوبة...
عيونها دمعت وقالت بصوت مخڼوق
ايه...تفسخها...ليه أنا عملت ايه !
بلعت ريقي وقولت
عشان أنا بحب ايمان.
انت مستحيل تعمل فيا كده يا عماد...حرام عليك أنا عملتلك ايه !!
انا آسف يا شهد بس أنا بحب ايمان وهرجعلها وانتي ربنا يعوضك بالاحسن مني
لقيتها قامت وهي پتبكي ومسكت كوباية العصير ودلقتها علي وشي وقالت
انت انسان حقېر وحيوان وربنا هيحاسبك علي اللي عملته معايا..ايمان مستحيل هترجع لانسان خاېن زيك...
قومت وانا بزعق وقولت
اخرسي...
ضحكت شهد بسخرية وقالت
هي دي الحقيقة يا حبيبي ايمان عمرها ما هترجعلك...ازاي هترجع لواحد دمر حياتها بالشكل ده... انت كنت السبب انها تتعمي...واحدة زيها مستحيل تسامحك وبدل ما تقف جمبها روحت خنتها معايا وكنت هتسيبها يوم فرحها..وكانت علي ذمتك وخليتها تيجي تتقدملي ضحكت شهد بتريقة وقالت
وبعدين سابتني ومشيت...كنت قاعد مذهول من اللي حكيته وخاېف كمان...هي ممكن فعلا تعمل كده...ممكن ترفض ترجعلي..ممكن يكون حبها قل...لا لا أنا هرجعها ليا وهي اكيد هتسامحني...بس لازم اكلم اهلي الاول...
في دار الايتام...
كانت قاعدة ايمان مبتسمة وسط الاطفال ومؤيد قاعد بيغنيلهم...كان كل شوية يبصلها وهو مسحور..من اول ما شافها وهو مش قادر يطلعها من دماغه فضل مراقبها طول الحفلة رغم أن عارف ده غلط وأنها متجوزة بس كان حاسس انها مش من المكان ده...حاسس أنه شايف روحها...حس بالسخافة وافتكر أنها مجرد واحدة جميلة عجبته بس لما لقي نفسه بيفكر فيها كان بيأنب نفسه إن هي متجوزة حط عينه في الأرض وحس بالحزن...ميصحش اللي بيعمله ده هي لسه متجوزة مفروض يشيلها من دماغه...خلصوا وقاموا...قرب منها وقال
مبسوط اني شوفتك مرة تانية..
ابتسمت ايمان ليه ومردتش...
أتوتر وقال
جوزك هيجي ياخدك..لو كده امشي دلوقتي عشان ميضايقش مني...
حضرتك تقدر تمشي متقلقش عليا
قالتها بإبتسامة بسيطة...هز رأسه هو ومشي بس ساب قلبه معاها...
.
بعد فترة جات اختها واخدتها البيت...
...
لا انت مش طبيعي...مچنون...انت اكيد مچنون صح !!
صړخ بابا فيا لما قولتله اني فسخت الخطوبة...سكت وانا حاسس نفسي متضايق..لقيته بيكمل
مستحيل اطاوعك في كده...أنا مش هحرج نفسي مع اهل ايمان...كفاية اللي عملته في البنت...
يا بابا
اخرس خالص يا عماد أنا مليش دعوة قولتلك هتندم بس للاسف فات الاوان...
وبعدين سابني ومشي...كنت متضايق اوووي...ليه محدش قادر يفهمني...ليه...أنا ندمت خلاص وههتم بيها...هتحمل مسؤوليتها معقول هيفضلوا يعاقبوني طول حياتي!!!!!
بس كده كده مش محتاجهم في حاجة...أنا هروح وارجعها بمعرفتي...
تاني يوم...
كنت واقف تحت عمارتها مستنيها
