تربيه حواري الفصل الثاني عشر 12
عينه لابنه وغمزله
ثريا بتقييم وبصه قرف ولوية بوق
جميله بإبتسامه هبله
جبل بعيون بتطلع قلوب
قطعت هدي وصلت التأمل في حور يلا يا جماعه بسم الله لقمه كده على ما اوسم عشان يبقى عيش وملح
همام بشكر_ تسلمي ياست أم حور والله ما ليه لزوم
هدي ببساطه_ ياندامه ليه كده يا حاج داه انتوا بيت الكرم عيب عليك يلا يلا وبصت لاخواتها يلا ياحاج ولا دي عزومه مركبيه
راشد وهو بيقوم_ يلا يا حاج همام يلا يا جماعه بسم الله
قام الكل وقعدوا على السفره اللي مرصوص عليها ما لذ وطاب
قعد قطب على رأس السفره بحكم انه الأخ الكبير وجمبه اخوه راشد وقصاده الحاج همام وجمبه مراته وبعدها ابنه وفي الاخر بنته
همام بمدح_ تسلم ايدك يا ست أم حور الأكل ماشاء الله جميل بجد الواحد مايشبعش منه مهما كل
هدي بإبتسامه فخر وبصت على حور_ لا يا حاج اشكر اللي عمل ورحمه المرحوم عامر ألف رحمه ونور تنزل عليه دي عمايل حور
جبل ابتسامته وسعت وبقت من الودن للودن
ثريا لوت بوقها وسكتت
جميله _ واااو بجد يا حور انتي فعلا أكلك تحفه بجد بليززززز لما تتجوزي انتي وأبيه جبل ابقى علميني
أمها ناولتها كوبايه مايه
هدي بفزعه_ بسم الله الرحمن الرحيم مالك يا ضنايا اهدي وخدي نفس
حور هديت وبدئت تتنفس وهي مغمضه عنيها
هدي _ ايووووه خدي نفس خدي اشربي بق ميه يبل ريقك
حور عضت على شفايفها علشان تكتم الضحكه من اللي بيحصل حواليها
مر الأكل مرور الكرام
والكل غسل ايده ورجعوا مكانهم في الصالون
قعد الجميع يريحوا من الاكل اللي كبس على انفاسهم من كتر ما أكلوا
وخلال دقايق كانت هدى داخله بصنيه عليها شاي بالنعناع
قعد الكل واستقر واتكلم همام بهدوء ورزانه
همام_ بص يا حاج قطب ويا حاج راشد انا طالب ايد الانسه حور لجبل ابني واللي تطلبوه عنينا ليكم حور هاتكون زيها زي جميله بنتي
همام_ الله يكرمك يا حاج يبقى نقول على بركة الله ونتفق
قطب_ الشرع والأصول يا حاج إننا نسأل صاحبة الشأن
هااا يا عروسه ايه رائيك ولا محتاجه وقت تصلي استخاره
حور بهدوء شديد غير معتاده عليه_ لا صليت يا خالي
جبل بلهفه مقدرش يداريها_ طيب ايه رائيك موافقه
حور
