نوبه حب حياه وفريد الفصل الرابع 4
ټقتل عشان عشقك دا
_ وانا عشقان ملك و مستعد اعمل اي حاجه عشانها
هي متابعه مع دكتور نفسي و بقت كويسه
و بدأت تتخطى كل دا و انا معاها و مش هسيبها
انا مقدرش اعيش من غير ملك
الحاضر
_ اوعي تخذليني يا ملك
هزت راسها بنفي و حضنته پخوف
_ مستحيل... انا بحبك يا زياد
خليك جمبي
اټصدم من حركتها اول مرة تكون قريبة منه بالشكل دا
لكن حاول يسيطر على مشاعره
و بعدها عنه بهدوء
_ قولتلك متقوليهاش و انتي مش حساها
_ بس انا حساها و بقولهالك من قلبي
انا بحبك بجد يا زياد
_ انتي بتتكلمي بجد
هزت راسها بإيجاب و هي بتضحك
ضحك و كأن بهجة الدنيا كلها اتجمعت في قلبه
حضنها بفرحة و انتصار انه أخيرا قدر يخليها تحبه
_ حياة انتي رايحة فين
_ قدمت على شغل و طلبوا اعمل انترڤيو النهارده
ادعولي اتقبل بقا
_ شغل ايه اللي هتنزليه انتي واعية لنفسك يبنتي
_ في ايه بس بابا... انا قدمت استقالتي في استراليا
و اتقبلت و عايزة ابدأ شغل هنا بقا ما انت عارفني مش بحب
قعدة البيت
_بس....
اتكلمت ماما بضيق
_و انتي قررتي كل دا بناء على ايه..... انتي ناسية انك على ذمة راجل
قاطعها بابا بزعيق
_منااااااال
ردت بتذمر
_ هو انا قولت حاجه غلط مش دي الحقيقة
_ انزلي يا حياة شوفي شغلك يا بنتي
ابتسمت بهدوء و نزلت
معرفش ايه اللي انا بعمله دا فعلا
عايزة اشغل نفسي ب أي حاجه
الفراغ و التفكير مهلكين
_ الحالة الاجتماعية ايه لحضرتك
كان سؤال اتسألته في الانترڤيو
مش عارفه ارد بأيه
_حضرتك مش لابسة دبلة اكيد مش متجوزة
_ انا.....
كنت لسه هرد عليه لكن قاطعنا رنة موبايله
_طيب تقدري تتفضلي دلوقتي و هنتواصل مع حضرتك لو في جديد
كان لسه الباب هيتقفل لكن في واحد دخل
حمدت ربنا ان حد جه لأني بخاف استخدمه لوحدي
يدوب نزلنا دور و فجأة وقف بينا
_ هو فيه ايه
قولتها پخوف
رد اللي كان معايا بضحك
_ تخفيف احمال
_ هي هتفضل كدا كتير
_ المفروض مولد الشركة يشتغل دلوقتي مش عارف اتأخر ليه
اتكلمت بصعوبة
_ ارجوك كلم حد انا عندي فوبيا
_ حيااة
_ حضرتك تعرفني
الټفت ليا و هو موجهه فلاش موبايله ناحيتي
_ سامر
فلاش باك
قبل 9 سنين
_ هو الاسانسير وقف ليه
_ مش عارف ... احنا طلعنا دورين صح
اتكلمت بصعوبة و هي بتحاول تاخد نفسها
_ معرفش.... ارجوك كلم حد اناا عندي فوبيا
التفتت سامر ليها بقلق
_ انتي كويسه
مسكت في دراعه و هي مش قادره تتنفس
_طلعني من هنا
خبط على الاسانسير كتير لحد ما الامن رد
