ندي العمر

أحمد : في إيه احكيلي ..
زين : إنت عارف إني بحب تقى ولما روحت أطلب إيدها من أبوها رفض ..
احمد : تقى عارفه إنك بتحبها اتكلمت معاها 
زين : لا ياأحمد أنا مااتكلمتش معاها أنا كنت عايز أدخل البيت من بابه واطلبها على سنة الله ورسوله ..
أحمد بهزار : بس خلي بالك واحده زي تقى قويه وناجحه ممكن ترفضك هههه ..
زين : وترفضني ليه أنا الحمدلله بشتغل وبكسب كويس وأقدر أعيشها عيشه كويسه .. 
أحمد : طب أبوها رفض ليه ..
زين : مش عارف كل ما أروحله يقولي طلبك مرفوض ..
أحمد : أنا هروحله وهتكلم معاه وأعرف منه هو مش موافق ليه ..

زين : بجد يا أحمد .. 
أحمد : أيوه بجد المهم جهز نفسك بالليل هتروح معايا علشان كتب كتابي ..
زين پصدمه : إيه ؟
أحمد : مالك مستغرب ليه ستك عايزه تجوزني علشان تشوف حفيدها ..
زين : ألف مبروك ياخويا والفرح إمتا ..
أحمد : مافيش فرح هنكتب الكتاب والعروسه هتيجي معانا على هنا ..
زين : وهي موافقه على الكلام دا طب وسمر هتعمل معاها إيه ..
أحمد : سمر وافقت وهي طالعه رحلة مع صحابها ..
زين : ربنا يسعدك يا أحمد ..
أحمد : أنا همشي دلوقتي عندي شوية شغل 
زين : أحمد أوعى تنسى ..
أحمد : أنسى إيه ؟
زين : إنت نسيت من دلوقتي و لا إيه إمتا هتكلم والد تقى ..
أحمد : معلش دماغي مشوشة نسيت ..
زين : شكلك مش عايز تتكلم معاه .. 
أحمد : لا متقولش كدا نخلص بس موضوع ندى وهبقى أروحله ..
زين بإبتسامة : ماشي ياعم إنت عريس النهاردة ..
أحمد بإبتسامة : يلا سلام ..
في بيت ندى قاعده قدام صورة أمها وهي زعلانه وصاحبتها قاعده جنبها 
تقى : خلاص ياندى كفايه عياط النهاردة فرحك على الإنسان اللي بتحبيه .. 
ندى : دا جواز مصلحه ياتقى هو متجوز وبيحب مراته ..
تقى : طب ليه وافق يتجوزك لما هو بيحب مراته ..
ندى : علشان جدته طلبت منه كدا .. 
تقى : خلاص بقى إمسحي دموعك دي وسيبيها على الله ..
ندى : الحمدلله أنا هسلم أمري لله ..
تقى بإبتسامة : يلا يا عروستنا قومي علشان أجهزك وتطلعي أحلى عروسه ..
ندى : أنا جاهزة ياتقى  .. 
تقى : نعم جاهزه فين دا ندى قومي معايا الله يهديكي ..
بعد محاولات من تقى عملت لها ميك آب خفيف ولبست فستان جميل 
عند أحمد رجع من شغله شاف سمر وهي خارجه
أحمد بسخرية : إيه مش هتيجي معانا ياست سمر ..
سمر : لا مش جايه ماعنديش وقت صحابي مستنيني .. 
أحمد : بقى عندك وقت لصحابك وخروجاتك بس ماعندكيش وقت لجوزك .. 
سمر بضجر : يوووه أنا زهقت كل مرة نفس الكلام بص يا أحمد أنا عايزه أعيش حياتي مش أورط نفسي بخلفه وولاد و اقعدي ربي زي الخدامين ..
أحمد : الخلفة وتربية الولاد بقى شغل الخدامين ياسمر هيجي اليوم اللي ټندمي فيه 
سمر : أندم على إيه سيبني أمشي أنا إتأخرت ..
أحمد : تمام روحي.. 
خرجت سمر بلا مبالاة أحمد خذ جدته وراح على بيت ندى استقبلتهم تقى
تقى بإبتسامة : أهلاً وسهلاً إتفضلوا إتفضلوا ..
ندى دخلت الضيافه وبعدها كتبوا الكتاب وسط فرحة نعمة 
نعمة بسعادة : ألف مبروك ياولاد ..
أحمد : الله يبارك فيكي ياستي ..
ندى : الله يبارك فيكي ياهانم ..
نعمة : من النهاردة تقوليلي ياستي زي أحمد وزين ..
زين كان قاعد عقله مش معاهم بيبص على تقى وسرحان فيها
نعمة : يلا يابنتي علشان تروحي معانا ..
ندى : بس قبل مانمشي أنا عندي شرط ..
أحمد : شرط إيه .. 
ندى: