الأميره والمغترب

اعرف حكايتك ايه !
قالها ببرود و هو يجلس بجانبها 
توترت أميرة و لم تعرف ماذا تقول حاولت أن تستجمع شجاعتها و قالت استاذ ياسين انت صحيح عملت معاي معروف ما اقدرش انساه و كثر خيرك لحد دلوقت بس انا حرة اني اروح مطرح ما انا عايزة و مش من حقك تمنعني !!
ياسين بهدوء و هو يضع رجلا فوق الاخرى 
أكيد انا مش هأمنعك اول ما تقدري تمشي على رجلك تقدري تروحي مطرح ما انتي عايزة .
أميرة بإندفاع ايوة يعني امتى 
ياسين الدكتور بيقول هتشيلي الجبس بعد شهرين 
أميرة بتوتر شهرين  
ياسين ده كسر رجل مش لعبة .
ترددت أميرة قليلا ثم قالت طب أنا جيت تورنتو ازاي 
ياسين ببرود عادي بالعربية 
بقي الإثنان صامتان لفترة من الزمن و قد احس ياسين بحيرتها و كم التساؤلات بداخلها فحاول ان يخفف عنها
بصي انا معتبر نفسي مسؤول عن الوضع اللي انتي فيه عشان كدة مش هأقدر اسيبك قبل ما اتطمن انك في أمان 
همست أميرة لنفسها بذهول أماااان ياااه ده انا قربت انسى معنى الكلمة دي !!
رأى ياسين شرودها فحاول انتشالها منه هااا لسة مش عايزة تحكيلي اللي حصل معاكي  
اطرقت أميرة برأسها قلتلك مفيش لا حكاية ولا حاجة 
قالها ثم امسكت قارورة المياه الموضوعة بجانبها لتشرب لكنها شهقت بشدة و بعثرت كل المياه حين سمعت جملته 
اومال البوليس الكندي بيدور عليكي ليه !!!