زوجه رجل استثنائي الفصل العشرون 20

بتملس على بطنها بحنية
_أنا هكون قوية عشانك أنت بس
هتحامل على نفسي عشان خاطرك يا عيون مامي
سندت نفسها وقامت اتحركت وقعدت على السرير شالت صينية الأكل اللي على الكومود وبدأت تاكل منها رغم إن شهيتها معډومة حتى ملهاش نفس للحياة ولكنها هتكافح عشان اللي في بطنها مش هتقدر تتخلى عن عوض ربنا ليها عنه وبعد ما خلصت أكل اتحركت لدولابه وأخدت الچاكيت بتاعه اللي ما زالت ريحته فيه واتجهت للسرير اتمددت عليه وهي واخدة الچاكيت في في حين مازالت پتبكي بقوة ولكن بدون صوت بس صوت شهقاتها اللي بتطلع من وقت للتاني لحد ما راحت في النوم وهي على حالتها دي.... 
بعد مرور اسبوع
قدروا قوات الشرطة بالفعل إنهم يمسكوا معظم اللي موجود اساميهم في الأوراق اللي اتبعتتلهم وتم التحقيق معاهم
دخل عمر على مكتب رئيسه وأدي تحيته العسكرية وهو بيقول_لحد دلوقتي طارق الهلالي هو وعيسى زهران مختفيين يا فندم
زفر رئيسه بضيق واضح وقال_راقبتوا كل الأماكن المشكوك فيها
هز راسه وقال_ايوه يا فندم وبعتنا قوات تراقب كل الاماكن اللي اتقالتلنا من المتهمين
سند رئيسه ضهره على الكرسي وشاورله وهو بيقول_اتفضل شوف شغلك يا حضرة الرائد ياريت الموضوع ده ميطولش أكتر من كده
طارق الهلالي يجيلي في خلال ٢٤ ساعة حي أو مېت
أدى عمر تحيته العسكرية وخرج من الأوضة من غير ما يرد وبمجرد ما خرج اتقلبت ملامح وشه للضيق الشديد وصل لبرا وركب عربية الشرطة واتحرك هو وعدد من القوات معاه على أمل إنهم يوصلوا لحاجة.. 
أما في مكان تاني دخل معاذ المخزن القديم اللي بيتقابل فيه هو وقصي من وقت للتاني وده لإنه مدرك إنهم متراقبين سواء من الحكومة أو من رجالة طارق لقى قصي جوا مديله ضهره وهو بيرسم على سبورة خطة معينة وواقف ساند دقنه على إيده
اتلفت أول ما حس بيه فضمھ معاذ وهو بيقول_الحمدلله إنك بخير يا صاحبي
ربت قصي على كتفه فرجع قال معاذ_طلعت داهية يا قصي
متوقعتش اللي عملته ده! 
تسلم كل البلاوي دي للحكومة!
ابتسم قصي وقال_كان لازم أشيل الكل من طريقي عشان أعرف افضى لطارق
اظلمت نظراته وهو بيكمل_أصل مكانته عزيزة عليا شويتين
حس معاذ بالقلق خصوصا إن الدنيا لبش الفترة دي بسبب الحكومة فقال_طب ما تسيبه يتسجن وخلاص مفيهاش أقل من مؤبد تهمته دي لو مخدش اعدام!
اداله قصي ضهره وهو مركز على السبورة اللي قدامه وقال_وأنت فكرك إنه هيفضل في السچن لحد ما يتحاكم
بمجرد ما يغفو عنه هيهرب ويطلع برا البلد
فسأل معاذ بتردد_ومين قالك إنه بالفعل مهربش طول الاسبوع اللي فات
ابتسم قصي وقال بثقة وهو بيتلفت ليه تاني_ميقدرش لو سافر من غير الحاجة اللي في المستودع المخفي بتاعه هياكلوه هناك هيروح فقير ومجرد تابع للماڤيا اللي هناك ده لو مخلصوش عليه هو مستني الدنيا تهدى شوية وبعدين ياخد كل حاجة هنا ويمشي
ضيق معاذ عينه وقال_أنت مديتش ملف المستودع ده للحكومة
سايبه للآخر
هنا حس معاذ إن قصي في حاجة معينة في دماغه فقال بضحك_ناوي على إيه
فزادت ابتسامة قصي وهو بيقول_كل خير... 
اسمعني كويس.... 
كان مستخبي في أحد الأماكن في حالة صدمة ومش مستوعب الوضع اللي هو فيه من وقت ما جاله الخبر إنه مطلوب من الحكومة وعرف إن كل حاجة انكشفت وهو هربان لا منه عارف ياخد حاجته ولا منه عارف يهرب على برا ويضحي بكل اللي موجود هنا
كان واقف قصاد البلكونة بيبص على اللي برا من بعيد لحد ما دخل واحد من رجالته وقال_طارق بيه
اتلفتله بلهفة وهو بيتمنى