حب في موسم الجفاف

اخدت ايديها وفتحت بصمة الموبيل
وفضلت ابحث في الارقام عندها عن اي رقم طبيب
لكن ملقتش
وللاسف انا مكنتش حافظة رقم اي دكتور
طب وبعدين هنقذها ازاي
للكاتبة..حنان حسن
وفي اللحظة دي
افتكرت ان الوحيد الي كنت حافظة رقمة
هو محامي العيلة بتاعنا
فا حطيت رقمة وحاولت اتصل بيه
عشان اكرر الاستغاثة بيه وبالمره اخد منه 
رقم اي دكتور متخصص في القلب
وبالفعل اتصلت بالمحامي
لكن الموبيل كان بيرن ومحدش بيرد
فا حاولت تاني
وفضلت اتصل عليه
لكن الغريبة اني كل ما كنت بتصل بالمحامي
كنت بسمع صوت رنين موبيل مجهول
في الاوضة عند جليلة
ولما تتبعت صوت الموبيل
الغريب
لقيتة جاي من درج التسريحة بتاعة جليلة
ولما فتحت الدرج ومسكت الموبيل المجهول
لقيتة سكت عن الرن
فا تجاهلتة
ورجعت ارن تاني علي المحامي
لكن الغريبة اني لما رنيت علي المحامي
لقيت الموبيل المجهول بيرن تاني
فا ربطت بين الاتصال بتاعي
والرنة الي بسمعها
فا كررت المحاولة
ورنيت تاني...فارن موبيل المحامي
للكاتبة ..حنان حسن
وفي اللحظة دي
فهمت اخيرا
ان التليفون الي لقيتة دا
كان موبيل المحامي
عارفين دا معناه اية ........