تربيه حواري
النبي بقالكم كام يوم واكلين ودان بعض خير
همام بسخريه عليه الصلاه والسلام وداه يزعلك يا أم جبل ولا إيه
ثريا بشهقه أم جبل ايه يا همام شكلك اخدت على طباع الناس هنا بدري اوي أسمي مدام ثريا بطل اسلوب الحواري داه
همام بسخريه ليه وانتي ساكنه في جاردن سيتي محڼا ساكنين في حاره بلاش جو سيد انح وخديجه شلح داه عيشي عيشه أهلك الله يسترك احنا كنا عايشين هنا قبل ما نسافر يعني انتي مش سليلة الملوك
ثريا بقرف ايه حيلك حيلك داخل فيا زي القطر اللي من غير فرامل بقيت بيئه اوي ياريت بلاش نختلط بالناس هنا كتير ويلا جهزت الغدا
خلص الاكل وقعد جبل وجمبه ابوه وقعدت ثريا وهي بتبصلهم بشك مريب
ثريا بهدوء شكلك عايز تقول حاجه يا جبل صح ولا انا غلطانه
جبل بهدوء حذر ايوه وياريت قبل ما توافقي او ترفضي تفكري في سعادتي وراحتي
ثريا بهدوء شكلك عارف اني هارفض الموضوع علشان كده قولت المقدمه الطويله دي خير يا جبل سمعاك
بلع جبل ريقه بصعوبه انا قررت اتجوز
ثريا بفرحه ودهشه طيب الف مبروك وإيه اللي مخوفك داه حتى عروستك عندي بنت ناس وحسب ونسب يشرف بصحيح
جبل لا انا اختارت عروستي واتمني انك تفكري في مصلحتي قبل أي حاجه
جبل حور عامر
ثريا بصړيخ وفزع مييين داه على چثتي والله العظيم لو فكرت فيها لا انتا ابني ولا اعرفك وقلبي وربي غضبانين عليك ليوم الدين يا جبل
جبل بمحايله بحبها خطفت قلبي مش شايف من البنات غيرها مش عارف اشوفها غير مراتي وأم عيالي ارجوكي اوعي تكسري قلبي
ثريا بزعيق والله داه لا يحصل ولا يكون هاتقول للناس ايه متجوز صبي ميكانيكي مفكرتش اهلها هايجهزوها منين هاتقدر تتعامل معاها ازاي بلسانها داه هاتقدمها لصحابك وأهلك ازاي هاتعيش معاها ازاي هاتقدر تسيبها تنزل تشتغل وسط الرجاله وتتعامل معاهم وترجعلك اخر اليوم مشحمه ومزيته
