الواد عمري

عليا شال تقيل مسحت دموعي بسرعه قبل ما يشوفها
_مالك عينك حمرا ليه
اتكلمت بصوت مخڼوق شوية_مفيش
حاجة دخلت فيها تقريبا 
مسك ايدي بحنيه_سلمي أنا جوزك ياريت تحكيلي لما تبقي مضايقه ومهمومة الهم بيخف شوية لما بيتقسم علي اتنين مش واحد أحكي ومتخبيش عليا 
_حبيبي أنا بس مش عارفه ومتلغبطه وحاسه بمشاعر كتير متلغبطة ووو...
ها وإيه
_أنا حتي مش عارفه الكلام اللي هقوله ده ينفع يتقال أو ينفع افتكره وأنا معاك ولا لاء بس حقيقي دماغي مش قادره من كتر التفكير والذكريات الوحشه 
 وأنا معاكي لأخر المشوار اتكلمي وفضفضي وقولي اللي جواكي 
أتنهدت وبدأت أتكلم وقولت_طبعا أنت عارف أن انا عندي عم وعنده ابن أسمه رحيم هو ده اللي كنت بحبه كان حب طفولي كنت ببقي مبسوطه أوي وهو جنبي وكانت العيله كلها تقول رحيم لسلمي وسلمي لرحيم بس القدر كان له رأي تاني أنا شوفته وهو بيخوني ومع مين مع مني أقرب حد ليا أو كانت ليا كنت دايما بجري عليها أحكيلها مكنتش اعرف أنها تث تث كده انا بجد أتصدمت فيهم ويوم لما شوفتهم سوا في الكافيه وقلعت دبتله ورميتهاله
فلاش باك
طلعت جريت برا الكافيه وطلع جري ورايا_سلمي أستني لو سمحتي اشرحلك
كنت ماشية ومش سامعه اي حاجه بتتقال كنت في حاله صډمه ودموعي نازله في صمت 
فجأة جري عليا شدني جامد وأتكلم بعصبيه_ أنا بتكلم علي فكرة لازم تحترميني 
ضحكت فضلت أضحك كتير لغاية مدمعت وبعدين بصتله واتكلمت بعصبيه_أحترمك!!!وده ليه أن شاء الله رحيم أنت مش عارف أنت عملت ايه أنت كسرتني كسرت أحلامي وطموحاتي معاك وليه أنا قصرت معاك في ايه 
وكملت بزعيق_ هونت عليك!!!هان عليك حب السنين دي كلها هونت عليك 
واضح أنك معندكش رد
وسيبته ومشيت 
باك
كملت بدموع تخيل يا عمر كان عايز يتجوزني بالعافيه من غير علمي أنا وابويا لاء وكمان والده كان مشجعه شوفت كمية البجاحه 
قال إيه عشان يكسر عيني عشان مبقاش لغيره 
وهنا مقدرتش أكمل وقعدت أعيط كتير كان قاعد يسمعني وأول مشافني بعيط قعد يهدي فيها 
حقيقي إحساس الأمان ده إحساس لطيف بشكل مع الناس اللي تستاهل 
فضل كأنه بيعتذر عن حاجه هو ملوش دعوه بيها 
حقيقي أول مرة أعترف بكدا بس 
عمر بيصلح حاجات هو مكسرهاش
_أنا مش عايز أشوف دموعك تاني يا سلمي ولا دمعه دموعك بتقتلني من جوا أنا آسف حقيقي علي كل اللي مريتي بيه بس صدقيني أنا هعوضك عن كل حاجه بس محتاج تتديني فرصه واحده بس ارجوكي 
بصيتله ومردتش 
_سلمي أنا بحبك بجد
بصيتله پصدمة وءءءء
هما بيعملو ايه في المواقف القمر دي يختاااي وفجأة حد رخم قطع اللحظه الحلوة دي قومت عشان أفتح الباب وهوب لقيت_رحيييم!!!
بصلي وابتسم ابتسامه مستفزه زيه _ازيك يا سلمي عامله ايه ومد ايده ليا
وفجأة عمر جيه_مين ده يا سلمي 
بصيت لعمر والصدمه علي وشي_ده رحيم يا حبيبي 
اتكلم بسخريه_حبيبك 
عمر ببرود_اهلا وسهلا أستاذ رحيم ده أنت غني عن التعريف اتفضل 
تعالي يا حبيبتي أدخلي عشان متتعبيش من الواقفه 
حقيقي أنا كنت مبسوطه أوي مش عارفه ليه بس كنت مبسوطه مع الولا جوزي ده 
دخلنا قعدنا واتكلمت_خير يا رحيم ايه اللي جابك
جرا ايه يا بنت عمي متعرفيش اصول وواجب الضيافه ولا ايه 
لسه هرد لقيت عمر اتكلم_لا ازاي يا أستاذ رحيم ده إحنا ناس متربيه تحب تشرب ايه 
اتكلم ببرودقهوة من ايد سلمي أصلها بتبقي جامده مقولكش 
عمر لسه هيرد قاطعته واتكلمت_معلش بقي يا ابن عمي مش بعملها غير لبابا