رونز قلبي الفصل السابع

تجري عليها تعالي في حضڼ تيته حبيبتك تعالي يا ضنايا
شروق دخلت في حضنها وبعد سلامات كتير وسألت عن رونز
تميم الحمد لله على سلامتك يا شوشو نورت مصر
شروق بأبتسامة منورة بيكم يا تميم الله يسلمك يا رب
دخلت وبدأت تحكي عملت ايه في سنوات الغربة دي وبتفضفض معاهم بس طول ما هي بتتكلم سرحانة في حبيب قلبها وسبب وجعه..
عند أدهم خلص الحصة ولقى الفون بيرن ورونز وعمر كانو معاه
ألو ايه مش ناوي تيجي تستقبلني
أدهم من الفرحة عيونه دمعت وصلت وصلت أخيرا يا حبيب أخوك
سليم وصلت يا حبيبي هاجي على البيت أشوف فوفتي علشان وحشاني..هي تعرف إني جاي
أدهم لا متعرفش مفاجأة بقى
يوسف هتتفاجيء بيا أنا عارف
سليم بإحتقار ولا نعرفك
أدهم بيضحك وبخبث وسوسو نسيت سوسو!
سليم بتنهيدة لا دي حبيبتي وأمي التانية انت عارف هروح ليها بإذن الله بس بالليل وقفل معاه
أدهم عرفهم إنه سليم وصل وأخد رونز وراح يشوف سليم في البيت على ما عمر يخلص حصصه ويروح وراهم
عند الأم وفاء وهي ماسكة في حضڼ سليم بعد ما سلمت على يوسف ومش قادرة تفارقه ضناها بعيد عنها كل دا وڠصب عنه كله كان جاي عليه حتى فرحته مكملتش
سليم يحبيبة قلبي خلاص والله حقك عليا
الأم وفاء هونت عليك هه متعملش كدا تاني
سليم والله أبدا يحبيبتي حاضر
الباب خبط
يوسف قام فتح وحضن أدهم بحب أخوي وسلم على رونز بإحترام ودخل هو ورونز
أدهم والدموع في عينيه سندي وحبيبي وصل والله ما مصدق
سليم قام حضنه وباس دماغه ما تنشف كدا ياض ايه وحشتني يا حبيب أخوك
أدهم حضنه وبعد الأحضان سليم شاف رونز ابتسم ليها وزعل من جواه إنه حبيبته مش موجودة تستقبله دلوقت بس رونز ابتسمت ابتسامة بسيطة وسكتت وعاهدت نفسها مش هترجع علاقتها بيه زي زمان أيام ما كان أخوها غير لما تعرف عمل كدا ليه في أختها وقعدوا مع بعض وبعدين سليم دخل يرتاح شوية وأدهم راح يوصل رونز
أدهم وصل تحت بيت رونز أنا مبسوط أوي بجد هانت هانت خلاص
رونز دايما يارب..هتيجو النهاردة عندنا
أدهم أيوة بإذن الله بس متقوليش لحد وخدي بالك من نفسك
رونز نزلت حاضر وطلعت وسلمت على أختها وقعدت معاها
بالليل كانت الجدة قاعدة مع شروق وتميم والأم سهير
الجدة ايه يا حبيبتي ناوية ترجع تسافري تاني
شروق مش عاؤفة يا تيته سيبيها على الله
الباب خبط والأم راحت تفتح ورونز طلعت من اوضتها
تميم طب ما ممكن تنقل كل شغلك هنا وترتاح بقى وتسيبك من الغربة دي
الجدة وهي بتتكلم من غير ما تاخد بالها بالظبط يا حبيبتي وأنا هخطبك ل تميم انت عارفة كويس أنا عوزاك ل تميم من الأول
صدر صوت غيران من وراها وباين عليه الڠضب وهو ينفع برضو واحدة تتخطب وهي متجوزة دا في شرع مين!
شروق پصدمة
 وقلبها بيدق پعنف معقول معقول شيفاه قدامها شكله لسه زي ما هو جميل جميل بشكل تاعب قلبها وعقلها صحيت ل تفكيرها وازاي قلبها استسلم كدا من أول مقابلة أيها الوقح
شروق پغضب وانت مين انت انت فاكر
يتبع.