في بيتنا غريب الفصل التاسع

هتركزى كدا ! 
جاوبته بضيق ملكش فيه .. 
رفع حاجب أنت لسه متضايقة من الصبح  
الډم اتجمد فى عروقى دا أنا مصدقت نسيت تقوم مفكرنى .. نزلت عيونى وأنا بقول بتتويه وسع علشان اجيب الفنجان 
وقف قدامى يبقى لسه متضايقة و بصراحة الموضوع دا مكيفنى جدا أصل بحب ارازى الناس إلى بحب...
رفعت عينى ليه وأنا بقول إيه ! 
رفع حاجب و قال بمكابرة إيه ! 
للمرة التانية نتعرض لموقف غريب فى نفس اليوم و المرادى إلى قاطعنا كان صوت فوران القهوة ! 
لفيت بسرعة و أنا بطفى عليها .. و ببص بتحسر على إلى وقع منها 
لفيت ليه پغضب و أنا عايزة اټخانق .. لكنى ملقتهوش ! 
بصيت حواليا بأستغراب لكنه كان مشى من المكان خالص رجعت بصيت تانى على القهوة وأنا بقول منك لله يا أخى ضيعتلى وش القهوة ! 
عند سراج  
كان سايق عربيته رايح الشركة و مفيش حاجة جاية على باله إلا ريحانه .. 
صوتها هبلها عيونها .. 
فجأة ظهر قدامة شخص فى نص الطريق خلاه يفوق من سرحانه وعلى آخر لحظة ضغط على الفرامل بقوة .. 
وقف شوية و هو بيبص قدامه و بيتنفس بصعوبة ومش همه غير افكارة الغريبة و جملته الاخيرة ليها إلى كان هيقول فيها أنه بيحبها ! 
ضحك بسخرية و بإنكار وهو بيقول لا .. لا استحاله سراج متتجنش ! 
بالليل  
الساعة كانت داخلة على ١ بليل و أنا مكنش جايلى نوم .. 
فتحت الشباك شوية لقيت غيث واقف تحت .. وبيبص على البوابة .. 
بصيت لنفس المكان و اخدت بالى أن عربيه سراج مش موجودة سراج مكنش رجع من الصبح ! 
بصيت على الساعة و رجعت بصيت على القط المسكين لو كان سراج هو الوحيد الى بيأكله و بيهتم بيه دا زمانه مېت من الجوع !
لبست شال لأن الجو كان فيه لسعة برد و نزلت للمطبخ اخدت أكل القطط بتحبه .. و خرجت بخفه بره 
أول ما شم ريحة الأكل جرى عليا .. 
حطيته على الأرض و كنت همشى لكن نزلت لمستواه و حسيت برغبة أنى أقعد معاه شوية ..
بتردد ملست على رأسه و حسيت بشعور لطيف حقيقى لقيت نفسى بفضفض معاه فجأة من غير ما أدرك ده ! 
قولت ينفع إلى عملته الصبح ده حطتنى فى موقف بايخ أوى أنت مش فاهم أنا هربانه من إيه لهنا تقوم تخلينى عايزة اهرب من هنا كمان ! 
اهرب من إيه و أنا إيش درانى .. مجرد شعور بقى يجيلى كل ما اشوف سراج كإن قلبى خاېف من حاجة لو فضلت معاه ھموت و اعرف إيه هيا ! 
قطع كلامى مع القط البوابة وهى بتتفتح علشان عربية سراج تدخل .. 
أول ما شوفته قومت وقفت ركن العربيه و ترجل منها و لمحنى ..
جه ناحيتى و قال بإستغراب بتعملى إيه هنا 
شاورت على غيث و جاوبت صعب عليا يفضل من غير أكل كل المدة دى .. مينفعش تخلى حد قلبه حنين كده يهتم بيه لما تكون مش موجود  
إبتسم و دير وشه وقال بتعب لا مانتى هنا خلاص 
بربشت كذا مرة و أنا ببص عليه .. لمېت إيديا ورا ظهرى و مشيت وراه . 
كان مش متوازن كدا .. قولت أنت كويس  
غمض عينه و هو بيسند على كرسى آه اطلعى أنت دلوقتى 
بصتله شوية بقلق متأكد شكلك تعبان  
جاوب لا ء أنا.... ملحقش يجاوب علشان كان اغمى عليه ووقع على كتفى بتعب شديد  
قلبى وقع و صړخت و .. 
يتبع