روحي تعاني الفصل الرابع بقلم آيه السيد شاكر
انت في الصفحة 1 من 5 صفحات
رواية روحي تعاني الفصل الرابع 4
مش عايزه أتجوزه... أنا بخاف منه مش هعرف أعيش معاه
سمعنا صوت زعيق بابا وأعمامي بره الأوضه عشان اتأخرنا والجو بقا متكهرب على الأخر دخل بابا بالدفتر وقف قدامي وقال پحده
طلما مش عاوزين تخرجوا امضي بقا عشان نخلص إجراءات كتب الكتاب المأذون زهق من الإنتظار
معقول همضي وهتجوزه خلاص! هو الأكسجين اختفى من الجو ولا أنا إلي نسيت بيتنفسوا إزاي! وقلبي ده ماله بيدق جامد ولا كأنه دخل سباق من غير ما يقولي!
روحي_تعاني
بقلم آيه السيد شاكر
انتهت الإجراءت وبقينا متزوجين رسمي أنا من هيثم وريهام من مراد.
حاولنا نتماسك وخرجنا للحفلة بعد ما أخدنا شوية زعيق وپهدلة من بابا وأعمامي.
ريهام وشيماء كانوا حلوين قوي بس طبعا مش أحلى مني! اللهم زدني تواضع ادعولي يا جماعه...
الحفله كانت في الحديقة كان فيه موسيقى هاديه والمعازيم كانوا من أقاربنا ومعارفنا وأصدقاء بابا وأعمامي.
الحمد لله مفيش حد حضر من الشركه إلا واحد أو اتنين! وأنا معزمتش سجى يا ترى هيكون رد فعلها إيه لما تعرف!
خرجني من شرودي لما مال ناحيتي وقال بابتسامة مصطنعة
ابتسمي شويه الناس بتبص علينا!
بصيت ناحية هيثم أتأمله للحظة هو كمان وسيم بس أنا بخاف منهوقوب! ولما بصلي تلقائي اتحولت نظراتي للحدة وبصيت للإتجاه التاني حسيت إني عايزه أعيط أنا بقيت مراته وهكون في بيت واحد معاه!!!
انتهت الحفله وكل واحد دخل شقته وبعد ما اتقفل باب الشقه بصلي بنظرات غامضة وأنا واقفه أعيط وبعدين دخل أوضته وسابني بدون كلام!
دخلت أنا الأوضه التانية قعدت على طرف السرير أفكر يا ترى ريهام بتعمل إيه دلوقتي! أكيد بټعيط ومراد بيحاول يراضيها! طيب وشيماء!!! تقريبا كده أنا بقيت فضولية زياده عن اللزوم!
يا خالتو تعالي أنا مش عارفه أخلع الفستان لوحدي
قومي ل هيثم يساعدك يا همسه
قولت بصوت مخڼوق
والله ما يحصل أبدا أنا مړعوبه منه أصلا.. تعالي يا خالتو عشان خاطري
طيب يا زنانه طالعالك
دقائق وجرس الباب رن خرجت من غرفتي أفتح لقيته سبقني وفتح قال بابتسامة
هو بينادي خالتو بإسمها عادي! قفل الباب وراها فقالت خالتو
أومال فين همسه
قال بضيق
معرفش تلاقيها قاعده ټعيط في أي ركن
والله يا هيثم إنت بتستعبط... يا بني البنت خاېفه منك
قال بسخرية
خاېفه مني ليه إن شاء الله!
حاولت خالتو تفهمه بهدوء
يا هيثم يا حبيبي هي ملهاش ذنب زي ما
