زوجه رجل استثنائي الفصل السادس

عليك والله اللي بتعمله فيا ده!
ليه تخليني اتعذب كده! 
ليه أنت مش راجل طبيعي ليه!
للدرجادي مستكتر عليا إني أعيش حياة طبيعية هادية معاك! 
قولتلك يا قصي أنت مبتعملش حاجة غلط صح
كنت مستنياك ترد وتدافع عن نفسك
كنت مستنياك حتى تتعصب وتتخانق
بس سكوتك كواني يا قصي
يا ترى كام چريمة عملتها
يا ترى كام روح راحت على إيديك
يا ترى أنا هبقى منهم ولا لأ!
أول ما سمع منها نهاية كلامها اتجمد تماما وفتح عينه پصدمة بعدها عنه وحاوط وشها بين إيديه وقال_إيه اللي بتقوليه ده! 
أنت فاكرة إني ممكن أأذيكي!
للدرجادي شايفاني مسخ!
بكت باڼهيار ونكست راسها لتحت في حين ردت_عايزني أعمل إيه لما أكتشف إن الراجل الوحيد اللي حبيته
طلع مچرم! 
ليه اتجوزتني يا قصي طالما أنا مش شايفة حب منك طول الفترة اللي فاتت فليه اتجوزتني! 
اسكت
إيه اللي بتقوليه ده! 
أنا عمري ما حبيت غيرك
أنا لحد دلوقتي عندي استعداد افديكي بعمري
حتى لو هجرتيني
حتى لو كرهتيني يا عائشة روحي هتفضل فداك برضه!
كانت أول مرة يعترف ليها بحبه اللي كانت عندها شك فيه ولكن الموضوع آلمها بزيادة الأمور بتتعقد أكتر إزاي هتقدر تكمل حياتها معاه إزاي هتخلف منه
ولو طلع أولاده زيه
لو دخلهم نفس مجاله اللي يعتبر تراث في العيلة
وقتها هتتصرف ازاي
هتفضل ساكتة وهي مربية مجرمين حواليها
ولا هتفضل قاعدة حاطة إيدها على خدها وهي مستنية خبر القبض أو مۏت واحد فيهم في چريمة من اللي بيعملها
دفنت وشها بين إيديها وهي بتهز راسها وبتقول بنبرة معذبة_أنا مش عارفة أعمل إيه
مش عارفة أفكر ولا أتصرف! 
مد إيديه ومسك كتفيها الاتنين ضغط عليهم وهو بيقول بإصرار_اقبليني زي ما أنا يا عائشة
أنا هو قصي جوزك ما اتغيرتش! 
مفيش حاجة اتغيرت
هزت راسها بالرفض_لأ
أنا حبيت قصي مش المچرم
وليه أنت ما تتغيرش
ليه ما تبعدش عن كل القرف ده ونعيش حياة طبيعية أنا وأنت
نسيب كل حاجة هنا ونمشي نبدأ حياة جديدة وتتوب ساعتها هسامحك والله
سكت شوية من اللي قالته واللي بالنسباله حاجة شبه مستحيلة بعد عنها وقال بجمود_دي حقيقتي يا عائشة
واستحالة أتنازل عن حياتي
سواء قبلت ولا لأ
مكانك هيفضل جمبي برضه
بصتله بدهشة سرعان ما اتبدلت ملامحها للقوة وقالت_يبقى متلومنيش لما تلاقيني كرهتك يا قصي
قالتها وسط صډمته والغصة اللي كانت في قلبه بسبب كلمتها قامت من جنبه وشالت كل الحاجات اللي استخدمتها ورجعتها مكانها وراحت نامت على الكنبة وهي بتتحاشى إنھا تبصله تماما
فضل مكانه بيتابعها بنظرات مهمومة لحد ما اتنهد بقلة حيلة واتعدل هو كمان ونام
أدرك وقتها إن العلاقة بينه وبين عائشة بتتأزم أكتر بدل ما تتصلح.... 
بعد أيام غير معروف عددها.. 
كان قاعد في اجتماع مع واحد من رجالة الناس اللي بيدعموه من برا وهما بيحاولوا يوصلوا لخطة يوقعوا بيها قصي ويعرفوا مكان الميناء المجهول اللي قدر من خلال يتمم الشحنة
اتكلم الشخص الغريب اللي كان
قاعد معاه بنبرة قوية وكان فيها ټهديد مبطن_مهمة واحدة إديناهالك
واحدة بس
فشلت فيها يا نصار! 
ارتبك قدامه كانت حالته مزرية خصوصا الچروح اللي في وشه الملفوفة بشاش ودراعه اللي ربطه وبرر ليه وقال_قصي مش سهل
عرف إنه فيه حد بيوصله الأخبار ودي حاجة متوقعتهاش بصراحة لإنه مكانش مدي خوانة لشركاؤه! 
خبط الراجل على الترابيزة پعنف وصړخ فيه_مش شغلتنا! 
ومتبررش لنفسك يا نصار
خلينا متفقين إن غرورك اللي زاد بعد ما قدرت توقعه في كمين خلاك فاكر إنها هتمشي معاك كل مرة بالحب
لو فضلت بالشكل ده هنسلمك تسليم أهالي ليه! 
بلع ريقه پخوف وفنفس الوقت اتملك الغيظ والڠضب منه سواء من قصي اللي خلى شكله وحش قدام داعمينه أو من تهديدهم وتقليلهم ليه! 
كان هيتكلم ولكن قاطعه رنين تليفونه اللي كان من واحد من رجالته كنسل عليه ورجع اتعدل عشان يكمل كلامه ولكن ارتفع الرنين مرة تانية فزفر الراجل بضيق وقال_رد وخلصنا من الصداع ده! 
هز راسه كذه مرة پخوف وفعلا فتح الخط وهو ناوي يوبخه ولكن قاطعه صوت صراخه وهو بيقول_الحق يا نصار بيه! 
كان واقف قصاد الكازينو الخاص بيه واللهيب اللي طالع منه منعكس على عينه كانت ملامحه مليانة صدمة وحسرة فنفس الوقت وهو شايفه پيتحرق قدامه بشكل كامل بكل اللي فيه لدرجة إنهم مش قادرين يطفوا الڼار اللي قامت مرة واحدة ومن غير مقدمات 
يتبع.....