لحظات من الصدمه
علطول
نتكلم علطول عشان الوقت بيروح مننا
انا لسة جاي من الجامعة و جيبتلك كل المعلومات اللي انت عايزها انت تعرف الواد اللي كان معاها امبارح اسمه ايه
تقريبا قالت انه اسمه شادي
اهو موجود معايا اسمه شادي محمد عبدالسلام بلوجر مشهور
اقسم بالله ولا اعرفه
المهم اننا لازم نخليه يبعد عنها
ازاي
طالما الواد دا مشهور يبقا اكيد يهمه ان صورته تكون كويسة
و بعدين
احنا هنبعتله واحدة ونصوره معاها ونخليه يختار يإما يبعد عن ملك او ننشر احنا الصور
انت متأكد من اللي هنعمله دا
متأكد طبعا بس هي الفكرة ان لازم مراته متعرفش حاجة
ايوا متجوز
طب ماهي سهلة اهي يا سامح احنا نستنى لحد ما يكون مع ملك ونكون احنا متفقين مع مراته وتيجي تقفشه وبكدا يبعد عن ملك خالص
فكرة حلوة دي برضو
بالفعل سامح بعدها عرف يجيب رقم مرات شادي واستنيت لحد ما شادي يقابل ملك مرة تانية وطبعا عرفت مكانهم من اشارات تحديد المكان اللي جاتلي من جهاز التتبع اللي في عربية ملك بعدها روحنا انا وسامح ووقفنا قدام المطعم اللي كانو قاعدين فيه وطبعا كنا بلغنا مراته من قبل ما نتحرك وفعلا بعدها ب ساعة مراته وصلت وشوفناها وهي داخلة المطعم وعملت الڤضيحة اللي كنا عايزينها بالظبط وبعد دقايق خرجت وطبعا هو كان معاها سامح بعدها بص ليا وقالي
عارف متقلقش
طب يلا ربنا معاك
نزلت من العربية و دخلت المطعم وشوفتها وهي قاعدة وډافنة راسها بين ايديها قعدت على الكرسي اللي قدامها وبعد ثواني هي شالت ايدها و بصتلي ب استغراب وقالت
انت تاني
مقدرتش امنع نفسي مشوفكيش
انت مچنون صح
تقريبا كدا اه
وطبعا انت اللي كلمت مرات شادي
كنتي عايزاه ياخدك مني ولا ايه
هو انت بتعمل كدا ليه
عشان بحبك وممكن اعمل أكتر من كدا عشان بس اقدر احافظ عليكي
بتحبني انا
ومبحبش غيرك
انت متعرفنيش
بالعكس انا اعرف عنك كل حاجة بتنامي امتى وبتصحي امتى الاكلات اللي بتحبيها الاغاني اللي بتحبيها حافظك يمكن اكتر من نفسك
انا معنديش حاجة في حياتي ممكن تكون اغلى منك مش عايز حاجة من الدنيا غيرك انتي وبس انا عارف ان كلامي ملخبط بس دا عشان انا متوتر صدقيني انا كنت حافظ كلام كتير اقوله اول ما اشوفك بس بمجرد ما شوفتك نسيت كل حاجة انا نفسي انك تكوني ليا ليا انا وبس تبقي معايا واشاركك كل حاجة في حياتي نفسي اقضي عمري كله معاكي نفسي ابقا معاكي يا ملوكة
هو انا المفروض اقول ايه دلوقتي
تتجوزيني يا ملك
اتجوزك ايه دا انا حتى معرفش اسمك
وليد والباقي هتعرفيه لما نتخطب
انت ليه مستعجل اوي كدا
مش عايز اضيع لحظة كمان و انتي مش جنبي فيها
يمكن عشان قلبك يعرفني
يعرفك منين
بعدين هقولك المهم انا عايز منك رد
قول تاني عشان مش فاكرة كنت عايز ايه
تتجوزيني
موافقة
نفسي احبك حب زمان زي العيال ومعرفش انام
تتجوزيني
موافقة هتيجي تكلم بابا امتا بقا
اكلم بابا ازاي هو مش ابوكي ماټ
ماټ ايه حرام عليك بابا لسة عايش
عايش!!
مالك يا وليد في ايه
ولا حاجة يا حبيبتي انا بس اختلط عليا الأمر
طب ايه احدد معاد مع بابا
حددي معاد طبعا
بكرا
بكرا
بعد ما خلصنا كلامنا قومنا احنا الاتنين ومشيت ركبت معاها العربية عشان اطمن انها وصلت البيت وفعلا زي ما الدكتور قال هي راحت على بيت اهلها القديم
هتعمل ايه دلوقتي انت
في واحد صاحبي جاي ياخدني دلوقتي
طب ما كنت وصلتك انا يا وليد احسن
وبعد ما توصليني ترجعي لوحدك
اه عادي
لا طبعا انا بخاف عليكي
طب صاحبك دا جاي امتى
شوية وهييجي اطلعي انتي وانا هستناه هنا في اي كافيه
طب خلي بالك من نفسك
خلي أنتي بالك من نفسك
متقلقش عليا ومتتأخرش بكرا
عمري ما اتأخر يلا اطلعي وانا هكلمك
هو انت جيبت رقمي منين
من... هو معايا اصلا من الاول لاني كنت بعمل عليكي مراقبة شاملة ف كان لازم يبقا معايا رقمك
ايوا منين يعني
