قصه جديده
أما اجي كده اشوف اختي واسأل عليها بقالي كتير مشوفتهاش ..
وفاء ابتسمت ..نورتي يا خديجه نورت يا ادهم .
ادهم.. بنورك يا خالتي ..
خديجة ..اومال فين ورد حبيبتي عايزة اشوفها بعد ما كبرت ..
وفاء..زمانها جايه دلوقتي ..
شوية وورد خرجت كانت مبتسمه اوي وفرحانه ان اخيرا هتشوف خالتها اللي بقالها كتير مشافتهاش ..
خديجة ..ورد كبرتي يا حبيبتي وبقيتي عروسه زي القمر وحشتيني يا بت ..
خديجه ..نحمد ربنا يا بنتي تعالي تعالي سلمي على ادهم ابني ..
ورد بصه لادهم وبعدين حطت وشها في الارض ..
ورد ..اهلا يا استاذ ادهم .
ادهم ..اهلا بيكي ..
ورد قعدت وكلهم فضلوا يتكلموا مع بعض وفجاه خديجه بصت لعامر ..
خديجه.. بص بقى من الاخر كده انا جايه عايزه ورد بنت اختي لادهم ابني ..
عامر ..بس دي في ناس متكلمين عليها يا ست خديجة ..
خديجة ..وايه المشكله البنت بيطلبها ١٠٠ وياخدها واحد واحنا مستعدين لكل طلباتك ..
عامر بتفكير ..امممم وانت بتشتغل ايه يا استاذ ادهم ..
ادهم بضيق ..انا دكتور جراح وعندي المركز بتاع والدي بديره وبشتغل فيه كمان.
الكل بص لورد اللي كانت مصدومه ومش عارفه تعمل ايه خصوصا وهي شايفه ملامح الصدمه والضيق علي وش ادهم ..
ورد ..انا يعني مش عارفه ممكن
وفاء ..مالك يا حبيبتي ادهم ابن خالتك طالب ايدك وعايزك وشاريكي ومظنش هتلاقي حد احسن منه
خديجة.. إحنا نقرأ الفاتحه انهاردة والشهر الجاي الجواز ..
عامر.. لا مفيش الكلام ده أنا معنديش خطوبة والجو ده أنا عندي كتب كتاب علي طول.
عامر بطمع ..ماشي وانا موافق نقرا الفاتحه ..
قروا الفاتحه وسط صډمه ادهم وخوف ورد اللي خاڤت لادهم يمنعها من دراستها ويستغلها خلص اليوم وادهم واقف في بيته مع والدته
ادهم ..انا اخر حاجه كنت اتخيلها انك تحطيني في المواقف ده حضرتك كده ورطيني ودبستيني في الجوازه دي ..
خديجه..يا ابني ما أنت شايف الراجل عامل ازاي حرام علينا نشوف البنت في الوضع دا ونقبل ونعمل نفسنا مش واخدين بالنا ..
ادهم ..وانا مالي انا قلتلك معنديش مشكله اساعدها انما مش اتجوزها انا مش هروح وومش هكتب الكتاب ده .
خديجه ..وتكسر كلام امك وتطلعني صغيرة قدام الناس ادهم لو سمحت اسمع مني واتجوزها حتي لو فترة بس عقبال ما عمها ينساها شوية وبعدين سيبها ..
ادهم حط ايده علي وشه بضيق مكنش عارف يعمل ايه من ناحيه بيحب سلمي جدا وميقدرش يتخيل انه يتجوز واحده غيرها ومن ناحيه ورد فعلا شكلها طيبه وضعيفه ومحتاجة مساعده ..
خديجة قطعت افكاره ادهم .. ورد بنت غلبانه وبنت حلال وملهاش حد يقف جنبها او يحميها من الطمع اللي حواليها ..
ادهم باستسلام.. ماشي يا ماما بس ده هيكون جواز علي ورق ومحدش هيعرف بيه هنقدمها للناس علي انها بنت خالتي ..
خديجة بفرحه.. اللي تشوفه يا حبيبي اهو ده ادهم ابني اللي ربيته وعلمته يساعد كل الناس ..
تاني يوم كانوا قاعدين مستنيين المأذون يجي ..
ادهم ..بعد اذنكم ممكن اتكلم مع ورد لوحدنا شوية ..
عامر ..وماله ده حقك اتفضلوا في الصاله
