كبرياء اعمى

رهيب قربت ليلي من ادهم واول ما لمسته بعد عنها.
ادهم ما تلمسينيش مش فاكر ان اتفاقنا فيه لمس
ليلي ادهم ارجوك ما تعملش فيا كده
ادهم انا ما عملتش فيكي اي حاجه كل اللي عايزه منك تقنعي الناس بجوازنا لكن واحنا لوحدنا خليكي بعيد وزي ما قلت ده لحد ما امي تعمل العمليه
ليلي وبعد كده
ادهم تكون مهمتك خلصت
سابها ومشي وراح لمكانه المفضل عاشوا كام يوم في صمت وادهم مش بيتكلم الا علشان يرد علي سؤال سألته.

ليلي بتفكر هتستحمل قسوته دي لحد امتي وهتقدر تخليه يحبها ولا هيا مكتوب عليها الفشل من البدايه
وادهم بيفكر هيقدر يقاومها لحد امتي بس لو يبطل يحبها!
جيه معاد رجعوهم لمصر ادهم متوتر جدا لانه اول مره هيواجه اصحابه واهله من بعد الحاډثه كان متوتر لدرجه سمح لليلي تمسك ايده وهما نازلين من العربيه لانه كان عنده يتنازل ويمسك ايديها ارحم مليون مره ليقع قدام الناس.
 امه اول واحده استقبلته وبعد كده جه حمدي يرحب بيه ومسك ايده
حمدي اهلا بيك في بيتك...
سلم كمان علي ليلي
اصحاب ادهم كلهم كانوا موجودين. كان بيسلم علي الكل بجمود وبيرحب بيهم بهدوء شديد لحد ما جت واحده تسلم عليه واول ما ادهم سمع صوتها اتوتر
ادهم سهيله ازيك متوقعتكيش هنا.
سهيله ازاي تكون جاي ومكنش في استقبالك
سلمت علي ادهم كأن هو ملك ليها وبعد كده سلمت علي ليلي ببرود
ليلي عرفت انها كانت خطيبه ادهم وسابته بعد الحاډثه والكل لامها علي ده فكرت ليلي علشان كده ادهم كان مجروح علشان كده حاول يحب ليلي ومقدرش هو ده سبب تعاسه ادهم ده كان تفكير ليلي...
دخلت ليلي اوضتها وكانت افخم اوضه شافتها في حياتها اوضه كانت جاهزه لاستقبال عروسين. طبعا كان فيها حمام خاص لما دخلته لقت فيه باب تاني فتحته لقته بيطل علي اوضه تانيه صغيره شويه عرفت انها لادهم لانه طلب من امه انهم يكونو في اوضتين منفصلتين بحجه انه مش بينام كتير وبيقلق اكتر فعلشان ما يضايقش مراته طول الليل لانه بتعدي عليه ليالي كتير مش بينام فيها. فساعتها يسهر لوحده فيها.

ادهم مين هنا
خاڤت ومردتش عليه
ادهم مين هنا انا عارف ان في حد هنا
ولسه بيقرب فكان هيقع فجريت عليه سندته قبل ما يوقع
مسكها من كتافها 
ادهم بصوت واطي ليلي.
ليلي انا اسفه حاولت اقفل الباب بس معرفتش
ادهم انا معنديش اعذار اقدمها فسامحيني انا اسف يا ليلي
اتفاقنا مكنش فيه ده
ليلي ادهم انا مراتك واللي حصل ده طبيعي فارجوك ما تعتذرش
ادهم ببرود كان عندي هدف من جوازي بس مش هو ده 
ليلي انت ليه قاسې كده حرام عليك
ادهم اعتبريها قسوه اعتبريها صفقه اعتبريها اي شيئ

متجوز اتجوزتك علشان تكوني عنيا لاني من يوم ما عرفتك ديما صريحه وبتوصفيلي كل حاجه قدامك فعايزك تكوني عنيا توصفيلي كل اللي بيحصل حواليا اتجوزتك علشان امي تتطمن اني مش لوحدي فتسافر تعمل عملياتها دي اسبابي لكن انتي اسبابك ايههاه اتجوزتيني ليه
ليلي كل واحد زي ما انت قلت عنده اسباب خاصه انت قلت اسبابك لكن انا افضل احتفظ باسبابي لنفسي
هنا هو سابها وخرج وهيا فضلت في وحدتها تفكر هتستحمل لحد امتي اي امل كان موجود انه يحبها اتبخر طيب تسيبه وتمشي بس كريمه طيبه جدا معاها وحاطه امل كبير عليها علشان تسعد ابنها هيا ملهاش حد تروحله..
وصلت اخيرا لقرار ريحها هيا هتفضل جنبه بس مش هتفضل القطه