عروسه الصعيد بقلم ايمان صالح

هلاقي برضوا مرات ابني تنزل و تساعدني هي كده الحياه تعاون نزلت تحت لقيتها واقفه في المطبخ خدت منها الحاجات 
_انتي نزلتي لي انتي كمان 
_هنزل اساعدك يا ماما 
_تساعديني اي انتي عروسه 
_و اي يعني هساعدك بس عنك كده ممكن 
فعلا بعدت عني و انا عملت الاكل و سيبته علي الڼار و طلعت رتبت البيت كده كده مفيش فيه اطفال انه يتبهدل مفيش مع حماتي غير رامي بس في الشغل و بناتها طبعا في القاهره متجوزين بعد كده دخلت قفلت علي الاكل و رتبت المطبخ و قعدت جنب حماتي 
_انتي تعبتي نفسك جامد يا نورا 

_مفيش تعب ولا حاجه دي حاجات قليله 
_طيب يبنتي ربنا يكرمك اطلعي بقي شقتك 
_لي كده يا ماما 
_كده اطلعي اقعدي فيها براحتك عشان رامي جاي بعد شويه 
_ماشي يا ماما
طلعت فوق و شقتي كانت لسه جديده معملتش فيها حاجه صليت و مسكت الموبيل و كلمت حازم واتس 
_هتيجي امتي 
شاف الرساله ورد عليا بعدها _مين 
_انا نورا!!انت مش مسجل رقمي 
رد بعد شويه _لا نسيت اسجله معلش امتي فين 
_في الشقه 
_نزلتي عند ماما 
_اها و قالتلي بعدها اطلعي 
_طيب 
_هتيجي امتي 
_بتسألي لي 
استغربت وبعدها رديت _عشان الاكل 
_اها لا انا باكل في الشغل سلام بقي عشان عندي شغل
كنت مندهشه جدا من رد فعله النهارده أول يوم بعد فرحنا مفيش بينا اي حاجه او حتي كلام غير قليل و بيتكلم كده لي انا مش فاهماه خالص .
العصر اذن و صليت و بعد العصر نزلت كملت الاكل و حطيته قدام حماتي و رامي .
_هو حازم مش جاي 
_لا يا ماما عنده شغل 
_ده النهارده أول يوم في الفرح 
_معلش يا ماما عنده شغل 
_طيب اقعدي كلي 
_هستناه لما يجي و اكل
بعد الاكل خدت الاطباق و رتبت المطبخ و بعد كده حماتي قالتلي اطلعي شقتك
طلعت و صليت و بعدها مسكت الموبيل اقلب فيه دخلت علي الصور و طلعت صور حازم من علي الموبيل كنت بجيب صوره من الفيسبوك اول مره شوفت حازم كان في البلد منكرش انه عجبني جدا و خطڤ قلبي كمان بعدها استغفرت و مشيت و عرفت أنه متقدملي و بما أن عمي مكنش بيسمح اني أقابله اول اشوفه غير بعد كتب الكتاب عشان هو كان عارفني و جه اتقدم يبقي ملوش لازمه اني اقبله بعد كتب الكتاب جبت صوره من الفيسبوك و حفظتها عندي اسعد يوم في حياتي هو. يوم جوازي من حازم و ربط اسمي ب اسمه فعلا هو احلي يوم في عمري حرفيا بما ان والده كان مټوفي من فتره معملناش فرح و كده بس احساس غريب ب يجذبني انه حازم تصرفاته معايا غريبه خرجت من شرودي علي صوت فتح الباب 
_نورا 
_حمدالله علي السلامه 
_الله يسلمك 
_اجهزلك اكل 
_مش انا قولتلك هاكل في الشغل 
_انا قولت انك تغير رايك 
_لا انا فعلا كلت في الشغل 
_اممم تمام 
_انا هدخل انام عشان تعبان جدا 
_اوك
حاسه في تصرفاته بشئ غريب هو ده الجواز اللي كنت بتمناه اعيش معاه !!! عدت ايام واحنا بنفس النظام يروح الشغل و يرجع و مفيش كلام بينا غير قليل وانا اللي كنت بكلمه و كنت بخصص يوم ل ماما في الاسبوع اروحلها اليوم كله غير في نص اليوم اروح اساعدها بعد ما اساعد حماتي و كده كده شقتي مش بقعد فيها كتير 
في يوم يوم صحيت و خطبت عليه كالعاده قام 
_صباح الخير. 
_صباح النور 
_اي الشنطه دي 
_عندي شغل في القاهره 
_النهارده !!! 
_اها النهارده عايزه حاجه 
_لا هتقعد اد اي 
_لسه مش عارف
سبني و مشي وانا بحاول اعدي يمكن شغله كده يمكن عنده ضغوطات نزلت ل حماتي و خلصت كمان و قولتلها هروح ل ماما و معترضتش بصراحه روحت عند ماما ارتحت شويه و قومت ساعدتها مع مرات اخويا كنت ماشيه عشان اروح البيت و لقيت واحده وقفتني 
_انتي بقي مرات حازم 
_اها انا 
_امتي العروسه البدل صح 
_عروسه بدل ازاي !!
_انتي مهتعرفيش انه كان عايزني انا و اختارك بالغلط 
_انوي اكيد كذابه 
_هههههه يبقي اسأليه
روحت البيت وانا مصدومه طلعت علي شقتي وانا يفتكر معاملته معايا دايما بيبعد يبقي اكيد عشان كده كنت قاعده بعيط و بحاول اتحكم في اعصابي ازاي كده يعني حتي مبيحبنيش كنت بنزل ل حماتي و تسألني مالك