دعني احطم غرورك

فعلا جينا هنا
عز حمدلله ع سلامتكم
يوسف الله يسلمك يا بني
عز بس انتو مش كنتو قايلين انكو هتيجوا بكرة الصبح
يوسف خلصنا الشغل بدري قولنا منضيعش وقت ونجي على طول اه يا بني بقولك احنا مجبناش اكل وبصراحة كده واقعين روح هاتلنا حاجة ناكلها
عز حاضر يا بابا هنزل اجيبلكم اكل من أحسنها مطعم هنا ساعة زمن بالكتير واكون عندكو .. يالا يا سينوو تعالى معايا
يوسف لأ سيب ياسين أنا عاوز منه يجيبلي حاجات تانية
عز ماشي يا بابا سلام
يوسف سلام يا بني
وحينما خرج عز الدين لاحضار الطعام لأسرته طلب يوسف من ياسين أن ينقل متعلقات العائلة للشاليه الثالث الذي تم حجزه
يوسف متفقين يا بني
ياسين ماشي يا هندسة!
يوسف عز ميعرفش حاجة عن الاتفاق اللي عملته معاك هاه
ياسين رقبتي يابا
يوسف بضحكة ههههههههههههههههههه انا عرفت اخلاق ابني باظت من مين
ياسين ضاحكا أكيد مش مني ده هو اللي بوظ أخلاقي وخدني ع مشمي وضحك عليا
يوسف ماهو واضح !
ياسين يا عمي انا كان عندي ميول للانحراف وابنك عز هو اللي وجهني للطريق ده بضميرررررر
يوسف الله يخليكو لبعض يالا اتوكل انت على الله ولا زي ما بيقولوا طريقك أخضر
ياسين لأ صحراوي يا عمي وناشف كمان .................
.............
سهير جانا عاوزاكي يا حبيبتي على جمب شوية!
جانا خير يا انطي
سهير بصي يا حبيبتي انتي عارفة ان الشاليه اوضتين و الوقتي خالتك هالة وولادها الاتنين هيباتوا في اوضة وانا وعمك هنبات في الأوضة التانية
جانا أها يعني حضرتك تقصدي اني ابات هنا في الريسبشن اوك معنديش مانع.
سهير لأ ده كمان محجوز لدينا.
جانا يعني أبات في المطبخ ولا الحمام
سهير لأ مش كده بالظبط
جانا قصدك ايه
سهير اقصد انك هتباتي عند عمك يوسف وأنطك عايدة !!!!
جانا پصدمة أفندم
سهير مكملة هما الشاليه عندهم واسع وكمان دورين وبعدين انتي هتباتي في اوضة لوحدك هناك.
جانا سوري أنطي no way !!
سهير يا بنتي يا حبيبتي انا لو كان ينفع كنت خليت دينا تروح معاكي بس هي هتروح هناك بصفتها ايه انتي مكتوب كتابك ومرات ابنهم فمن حقك تقعدي براحتك هناك ده غير ان عمك حسين مش هيسمح بإن دينا تبات مع حد غريب.
جانا طب وأنا مالي انا موافقة ابات إ نشاالله ع الأرض
سهير مينفعش يا حبيبتي وبعدين حتى لو في خلافات بينك وبين جوزك مينفعش قصاد خالتك هالة نبين ده انتي عارفها ولا رويتر ... !!
جانا بتأفف يا غوولبي
سهير معلش ياجوجو النهاردة بس لحد ما عمك بكرة يدور ع شاليه أوسع احنا مكوناش عاملين حسابنا ان هالة جاية ده انا كنت بعزم عليها عزومة مراكبية لاقيتها شبطت !!
جانا حاضر يا انطي هاروح بس هي أنطي ديلة عارفة
سهير أيوه انا كلمتها في السكة وفهمتها ده وهي رحبت جدااااا وقالت هيبقالك اوضة لوحدك محدش هيضايقك أبداااااا فيها
جانا ماشي يا انطي عشان خاطرك بس
سهير تسلميلي يا بنتي ربنا يباركلي في عمرك
وبالفعل انطلقت جانا لتجمع أشيائها وتنتقل للاقامة مؤقتا في شاليه يوسف الدمنهوري
..........
حسين هامسا ها يا سهير ايه الاخبار
سهير تمام يا حاج
حسين يعني البنت هتروح تبات هناك
سهير ايوه يا حاج وربنا يهدي سرها مع عز.
حسين ياااااااااااااا رب أمين والله برافو عليكي يا سوسو مايجيبها إلا ستاتها!
سهير بفخر اومال ايه يا حاج حسين ده انا برضوه سهير
حسين طبعااااااا .. ها ظبطتي مع عايدة هانم
سهير اه كله تمام حسب توجيهاتك يا ريس
حسين حبيبتي يا سهير .....
........
دينا يعني انتي هتمشي 
جانا مش بمزاجي والله يا دودي
دينا انا زعلانة اوي كنت عاوزاكي تقعدي معانا هنا.
جانا هي الليلة دي بس ورجعالك بكرة يكون انكل حسين اتصرف وهتلاقيني فوق دماغك.
دينا اوك .. ان كان كده ماشي!
وبالفعل جمعت جانا متعلقاتها الشخصية في حقيبة سفرها وتوجهت نحو شاليه يوسف الكيلاني
جانا هاي انطي ديلة حمدلله ع سلامتكم.
عايدة الله يسلمك يا جانا .
يوسف تعالي يا بنتي سهير هانم كلمتنا ومتقلقيش هتقعدي في اوضة لوحدك مافيش مخلوق يقدر يزعجك
جانا ثانكس اونكل.
عايدة خشي يا جانا يا بنتي دي أوضتك ارتاحي شوية وبكرة نتكلم اه بالمناسبة عز مش موجود هيبات مع ياسين بره فاطمني !
جانا بارتياح بجد طب الحمدلله هروح أنا أحط حاجتي وانام تصبحوا على خير
يوسف وعايدة تلاقي الخير.
ثم همس يوسف لعايدة يالا بينا احنا يا ديلة
عايدة يالا يا جوو Im ready ..
وضعت جانا متعلقاتها في الغرفة وارتدت بيجامتها ثم أراحت ظهرها على الفراش بعد أن أغلقت باب الغرفة خلفها..
شعرت جانا بارتفاع الحرارة ففتحت نافذة الغرفة قليلا لتدخل نسمات هواء صيفية جعلتها ترغب في الاستلقاء على الفراش والاسترخاء
ولما مر بعض الوقت قام يوسف بغلق باب الغرفة من الخارج على جانا ثم أغلق باقي الحجرات بالمفاتيح وتوجه خارج الشاليه لينام مع زوجته في الشاليه الثالث الذي كان قد حجزه من قبل ....
...........
بعد مضي ما يقرب من ساعتين وصل عز الدين إلى الشاليه فتح عز الدين باب الشاليه

ليجد الهدوء القاټل يسود المكان 
عز ايه ده هو الجماعة راحوا فين هو أنا اتأخرت أوي كده يا أهل الدار .. الظاهر انهم ناموا خلاص هسيبلهم الأكل هنا واطلع أنا كمان أنام لأحسن ھموت م التعب
توجه عز الدين إلى الطابق الأعلى حيث غرفته وحاول فتحها ولكنه وجد الباب مغلقا بالمفتاح
عز الله ايه اللي قفل الباب كده اكيييد زفت الطين ياسين.. انت يا عم سينووو افتح الباب ياخي ياااااسين ھموت م التعب افتح الله يكرمك
ولكن عز الدين لم يجد أي رد
عز بنرفزة يومك اسود ما أنا عارفك خم نوووم ومش هتصحى غير بالطبل البلدي
نزل عز الدين إلى الطابق الأسفل وتوجه خارج الشاليه وأخذ يدور من حوله حتى وجد نافذة شبه مفتوحة
عز بسسسسسسس هي دي اللي هتدخلني عندك يا زفت ان ماوريتك يا ياسين عشان تحرم تقفل الباب تاني !!
...........
٢٠١٢ ١١٠٩ م نودي قصة ... دعني أحطم غرورك !!
الحلقة التاسعة والعشرون 
نزل عز الدين إلى الطابق الأسفل وتوجه خارج الشاليه وأخذ يدور من حوله حتى وجد نافذة شبه مفتوحة
عز بسسسسسسس هي دي اللي هتدخلني عندك يا زفت ان ماوريتك يا ياسين عشان تحرم تقفل الباب تاني !!
بدأ عز الدين يتسلق عبر البالكونات وأحد الاستندات حتى اقترب من النافذة
عز ده انا هنفخ يا ياسين هطلع البلى الأزرق ع جتتك
في نفس الوقت كانت جانا قد استيقظت على صوت أحدهم يحاول فتح باب غرفتها ولكنها اعتقدت انها تحلم ... ولمزيد من الاحتياط وضعت بجوارها على الفراش حذائها ذو الكعب العالي كوسيلة للدفاع عن النفس ... ثم أغلقت عيناها لتغفو من جديد
بعد محاولات استغرقت 5 دقائق نجح عز الدين في الوصول إلى النافذة ظل متعلقا في الهواء بيد وباليد الأخرى حاول فتح النافذة
عز ربنا يهد البعيد هو نايم في العسل وانا متعلق هنا... هه يااااا معين يااا رب قربت تفتح .. يااااااااااااالا بقى هه
سمعت جانا صوت صرير النافذة وكأن أحد ما يحاول فتحها فشعرت بالړعب الشديد أسرعت ناحية باب الغرفة ولكن للأسف وجدت الباب مغلق
جانا بړعب مين قفل الباب ده استررررها يارب أعمل انا ايه الوقتي انا خاېفة اصوت يسمعني الحرامي ده ومش بعيد  فيخلص عليا طب اروح فين أستخبى فين مش هينفع تحت السرير ده اول مكان بيتفتش طب أعمل نفسي مېتة استخبى فين اااااه الحمام لأ برضوه هستخبى في البانيو ولا في التويلت ولا فين بالظبط ... بسسسس هو ده المكان المناسب ومش هيشوفني فيه ولو قرب مني أنا هضربه بالجزمة ..
بالفعل اختبئت جانا خلف الستارة وحبست أنفاسها وانتظرت .......
نجح عز الدين في فتح النافذة وتسلق بهدوء إلى الداخل نظر إلى الفراش فلم يجد أحد عليه 
عز في نفسه الله ده مافيش حد هنا اومال الزفت ده راح فين
وفجأة وجد عز الدين من يقفز عليه من الخلف ويتعلق برقبته وېصرخ بصوت رهيب وفوق هذا يضربه على رأسه بشدة
جانا حراااااااااااااااااامي حرررررااااامي خد .. خد !!
عز متآلما ااااااااااااه والله ما حراااامي آاااااااااي
جانا مستفسرة ايه وجعك الضړب 
عز اااااااه جدااااااااا يا بنتي أنا مش حرررررامي
جانا طبعاااااا هتنكر اومال هتقول أيوه أنا حرامي وجاي أسرقكو ده لو مكنش فيها مانع ... خد يا حرررررراااااااامي خد ع نافوووخك !!!
عز اااااااااااااااه ....
حاول عز الدين أن يتخلص من قبضة جانا ومن ضرباتها المتلاحقة فدار بها عدة مرات حتى تتركه ولكنها كانت مصرة على الفتك به فلم يجد إلا ان يلقي بنفسه وهي فوقه على الفراش حتى يتخلص منها وبالفعل نجح في هذا ثم ثبت ذراعيها و...
عز انا مش حررررامي انا عز والله عز
جانا لأ حرااااااااامي الحقوووووووووونا
عز مكمما فمها اهدي يا جانا والله انا عز بصي كده في وشي
نظرت جانا في وجه عز بتمعن فتأكدت انه هو عز
عز بعد ان تركها ها صدقتيني الوقتي
جانا اه .. مش لازم أتأكد الأول
عز ااااااه يا دماغي انتي كنتي بتضربيني بايه 
جانا بالجزمة
عز نعم ياختي 
جانا ايه مقصدش انا كنت بضړبك بالجزمة بتاعتي فكرتك حرامي
عز وملاقتيش إلا الجزمة اللي تضربيني بيها
جانا أهوو اللي كان في وشي
عز ااااه الله يحرقك ورمتي دماغك
جانا احمد ربنا انها جت ع اد كده بدل ما كنت أخلص عليك
عز اه الحمدلله عندك حق بدل ماكان قبقاب !!
جانا وهي تضحك ههههههههههههه تخيل منظرك وانا بضړبك بالقبقاب
عز بضيق جااااانا
جانا ههههههههههههههههه سوري سوووري ههههههههههههههههه مش قادرة والله منظرك يفطس م الضحك
عز ههههه خفة يابت وبعدين انتي خدتني في دوكة ومقولتليش ايه اللي جابك هنا 
جانا أمك!
عز ما تلمي نفسك يا بت انتي !!
جانا ايه مقصدش والله اقصد ان مامتك هي اللي جابتني هنا متخافش مش هحتل الشاليه بكرة هرجع مع أنكل حسين
عز وجيتي من الأصل هنا ليه
جانا مافيش خالتي جت هي وعيالها وعملوا احتلال لأوضتي انا ودينا فاضطريت أسفة اني اجي أحط عندكو
عز تحطي .. بقى دي ألفاظ بنت متربية بره مصر ... ظلمك اللي قال عليكي اجنبية
جانا هي دي طريقتي معاك .. وبعدين أنا أقصد يعني أبات الليلة دي عندكو لحد ما انكل حسين يغير الشاليه بواحد اكبر.
عز اها طيب ... بقولك ايه هاتي المفتاح بقى
جانا بعدم فهم مفتاح ايه
عز المفتاح اللي قفلتي بيه باب الأوضة
جانا بس أنا مقفلتش حاجة
عز قصدك ايه
جانا أنا بقولك اني طلعت انام اه بس مقفلتش باب الأوضة
عز أومال مين اللي قفلها ان مكونتيش انتي
جانا وانا ايش دراني !!
عز طب وانا هفتح الباب الوقتي ازاي
جانا قصدك ايه انت كمان مش معاك مفتاح
عز اومال انا بحكي في ايه من الصبح!!
جانا بقلق لأ متهزرش في الموضوع ده
عز والله ما