روحي تعاني
انت في الصفحة 1 من 4 صفحات
رواية روحي تعاني الفصل الخامس 5
بس إنت وهي!... إنتوا كمان بتعلوا صوتكوا وإحنا واقفين!! لأ والله ونعم التربية فعلا!!
مامت إياد بقلق
فيه إيه يا ولاد!... إنت إيه إلي معصبك كده بس يا إياد!!
وقبل ما حد تاني ينطق بكلمة قالت شيماء
أنا هقولكم إياد متعصب أوي كده ليه!
رفع بابا إيده وقال بصرامة
شيماء... إياد همسه ورايا على المكتب
٥
روحي_تعاني
بقلم آيه شاكر
بابا سبقنا للمكتب مع أعمامي والد إياد ووالد شيماء قعدو جنب بعض زي القضاه إلي هيحاكموا المتهمين وطبعا أنا مكنتش خاېفه خالص....
بابا بحدة
إنت جاي ليه يا هيثم! هو أنا قولتلك تعالى!
ج.. جاي مع مراتي
بابا بحزم
طيب اطلع بره
وقف هيثم يبصلي! دا زي ما يكون قلقان عليا!! تصرفاته بقت عجيبه ونظراته أعجب وأغرب!! وبالنسبه ليا هو شخص غامض ومخيف!! كنا بنبص لبعض أنا وهو بشرود فقال بابا بحدة
إنت مسمعتش يا هيثم قولتلك اطلع بره
اتنهد هيثم وخرج بدون تعقيب..
بابا بصلنا وقال
بتتخانقوا ليه!!
إياد بارتباك
أنا... أنا كنت بتكلم مع شيماء عادي و... وهمسه اتدخلت
قولت پغضب
لأ والله يا بابا دا كان بيض ربها
والد شيماء پصدمة
بيض ربها!!!!!
بابا الكلام ده حصل يا شيماء
حصل يا عمو
والد إياد بحدة
إنت بتض رب مراتك يا إياد!!!
إياد بنبرة مرتفعة
عصبتني يا بابا و... وأنا زهقت منها ومن قرفها
ارتفع نحيب شيماء وقالت
كل شويه يقول إن إلي في بطني مش ابنه!!! محدش لمسني غيره والله هو الي أقنعني إن كده جواز وأنا صدقته زي اله بله... أنا باقيلي شوية وهم وت نفسي عشان أرتاح من معاملته دي!
حضنت شيماء وطبطبت عليها كنت مشفقه جدا على إلي هي وصلتله! كلنا بنغلط بإختلاف درجات الغلط يعني أنا مثلا مهملة في صلاتي!!! ونفسي أنتظم بس فيه حاجه بتصدني عنها!
بابا بأمر
اخرجي إنت يا همسه
حد زعلك!
وكأني بوجه له كلامي قولت بغرور
لأ... أنا محدش يقدر يزعلني أصلا
ضحك وقال
أحلى حاجه فيك ثقتك بنفسك
رفعت ذقني لفوق وقولت بابتسامة
لأ أنا كل حاجه فيا حلوه
ربنا يزيدك تواضع
معقوله أخد باله من تواضعي المفرط ده!!
هيثم ضحك!! اومال فين المعامله الخشنه الناشفة الجافة لأ أنا مش متعوده على كده الظاهر إن فيه حاجه غلط في الموضوع!
مرت الليلة هاديه من غير أحداث تانية سوى إني طلعت شقتي دخلت أوضتي ونمت....
مرت الأيام بروتينيه وبدأت الدراسة كنت منظمة وقتي بين إني أشتغل وأدرس وأنام.
هيثم بقا بيعاملني كويس يعني يبتسملي وأبتسمله يقولي صباح الخير أقوله صباح النور بس مفيش مره قعدنا نتكلم مع بعض ولا حد فينا حاول يقرب من التاني!
قلدته مرتين وصليت قيام الليل كنت بغير منه لما ألاقيه بيصلي
