الأميره والمغترب
بدهشة لا مش مشغولة اتفضلي !
دخلت أميرة ف اغلقت حنان الباب و هي تخفي ابتسامة شړ ثم اردفت
أنا كنت عايزة اعتذر عن اللي حصل امبارح .
تعجبت أميرة و تمتمت بخفوت تعتذري
أيوة ...انا عارفة انك مش متعودة على الحركات دي ...هوما صحابي انا و أنا متعودة عليهم بس انتي ما تعرفيش طباع البلد أكيد لو كنت مكانك كنت اتضايق لما ألاقي واحد جاي يحضنني بالشكل ده !
اردفت حنان بمكر متصنعة البراءة عموما انا فهمتهم الوضع بعد ما انتي مشيتي و هوما اصلا اوبن مايند يعني فهموا وجهة نظرك.. و عشان اثبتلك حسن نيتي في الاعتذار أنا لقيتلك شغل .
نظرت أميرة بتعجب ممتزج بفرحة بجد !! فين
حنان بخبث صاحب الجيم اللي متعودة اروح عليه صديقي و لما قلت قدامه من كام يوم ان قريبتي بتدور على شغل و عندها شهادة محاسبة قالي ان صاحبه عنده شركة كبيرة و محتاج حد يمسك حساباتها بدل المحاسب اللي طلع عالمعاش و رجع بلده
اتصلت بيه امبارح و اداني رقمه و انا ما كذبتش خبر و قمت كلمته في التلفون و اخذت معاد معاه النهاردة
بجد هنروح له الشركة النهاردة يعني
نظرت إليها متصنعة الطيبة
لا مش بالضبط
أميرة مش فاهمة !!
حنان من حظنا أنه النهاردة مش في الشركة عنده مؤتمر عشان صفقة هامة مع شركة اجنبية و لما قلتله ان الموضوع مستعجل قالي قابلوني الساعة واحدة في الاوتيل اللي هينعقد فيه المؤتمر هيكون عنده نص ساعة فاضية قبل الافتتاح .
نظرت إليها بحماس كبير طب و الاوتيل ده فين
بعيد عن هنا ساعتين ونص ...
بس كدة مش هنلحق !!
اجابتها بدهاء هنروح بعربيتي انا اعرف طرق مختصرة يعني أكيد مش هناخذ في الطريق اكثر من ساعتين
أميرة طب انا رايحة البس بسرعة
خرجت من غرفتها متلهفة فخرجت خلفها تنظر الى طيفها بشړ
اقتربت والدتها سبحان مغير الاحوال! شايفاكم بقيتو سمن على عسل ايه اللي حصل
ولا حاجة ..اعتذرتلها عن اللي حصل امبارح و كدليل على حسن نيتي لقيت لها وظيفة
هترتاحي قريب يا ماما
دخلت تتجهز للخروج و هي تهمس بشړ بعد اللي هيحصل معاكي النهاردة
