قصه جديده
انت في الصفحة 1 من 4 صفحات
كفاية أنا صدعت!
بصيتلها بإحراج بتداريه ابتسامة أنا بس بحب أتكلم معاك ف اتكلمت بعشم جامد.
وانا مش ذنبي تحكيلي نفس الموضوع كل يوم أنت مبتزهقيش
أنا آسفة حقك عليا.
قومت مشيت والدموع مليا عينيا ليه الإنسان ممكن يكون قليل الذوق كده أنا لو حد جه قالي أنه جاب شراب جديد عشر مرات هتبسط!
علفكرا أنا جبت شراب جديد
كل...
جبت ال 3 بعشرة من السوق
ابتسمت ف هو كمل أمي كانت مبسوطة مني أوي.
وأنا وأنا كمان مبسوطة بيك.
مشيت وسيبته وأنا معرفش هو مين ولا إسمه إيه! كنت مبتسمة على كلامه لحد ما فتحت الموبايل وشوفت صورتي انا وندى موجودة فيه عيطت تاني هي معقول مش شايفة أنا بحبها قد إيه أو أنا بعمل عشانها إيه مش قادرة تستحمل موضوع مأثر فيا وحكيته 3 مرات!
رؤى أنت فين
فرحت للحظة أنها فكرت فيا وهتصالحني فقولت بحماس هتفسحيني فين
ضحكت باستخفاف وقالت كنت هقولك لو أنت لسه موصلتيش البيت تدفعيلي فلوس التأمين عالعربية وهبقى أكلمك بعدين أشوفك عملت إيه.
قالت كلامها وقفلت أنا كنت واقفة على ناصية الشارع بتاعنا ولأني مبعرفش أقول لا ركبت العربية ودفعت فلوس التأمين ورجعت.
دخلت البيت مضلم وضعيف زي صاحبته ملقتش حد مستنيني لأني عايشة لوحدي.
فتحت جروب الدفعة أشوف أي حاجة فيه لقيت الجامعة بيطلبوا حد يغني فالحفلة اللي هتتعمل كلمت المسؤول واتفق معايا إني أقابله ف مسرح الجامعة يوم الحد..
روحت المسرح وقابلته وغنيت قدامه وعجبه صوتي كان بيتكلم بحماس عن الحفلة وأنها مهمة للجامعة وبكرا أكون موجودة الساعة سبعة عشان البروڤة الأخيرة للحفلة قبل العرض لحظة بكره مين! بكره دا بيجي امتا انتظروني انا مش جاي..
تاني يوم كنت ف معادي مظبوط ندى أخيرا كلمتني..
إيه يا رؤى أنت فين
انا ف مسرح الجامعة
هتحضري الحفلة معانا
لا انا ه هغني فالحفلة .
أنت هتغني
أيوة فيها حاجة
دا مين دا اللي فكر يختارك
لا يا حبيبتي بس مش حد زيك اللي يقدر يغني ف حفلة مهمة للجامعة!
قفلت وهي بتضحك فضلت بتحرك وانا حاطة إيدي على وشي عشان محدش يشوفني وأنا بعيط قعدت ورا المسرح ف مكان محدش يكون شايفني فيه وكنت بتكلم بصوت عالي.
انا انا مش وحشة! هي اللي مش بتحبني مش عايزة تحبني ديما بتقلل مني من غير سبب انا كر هت نفسي.
مفيش حد يستحق أنك تكرهي نفسك عشانه.
نفس الصوت! رفعت راسي
